Almaty qalasy men Almaty oblysy ákiminiń orynbasarlary Maqsat Qıqymov pen Serik Turdalıev áleýmettik mańyzy bar azyq-túlik taýarlaryn Almatyǵa úzdiksiz jetkizý boıynsha ózara yntymaqtastyq týraly memorandýmǵa qol qoıdy.
Kóshpeli keńes barysynda azyq-túlik qaýipsizdigin qamtamasyz etý úshin ákimdik ókilderinen qurylǵan delegasıa birneshe óndiris ornyna bardy. Olar «Almaty» ÁKK» AQ, «RIR» AQ, «Jetisý» ÁKK» AQ jáne azyq-túlik ónimderin óndirý zaýyttary («Mareven Fýd Tán-SHan» JSHS), qant óndirýshi («Aqsý Qant» JSHS, «Kóksý qant zaýyty» JSHS), sonymen qatar «Aq qus» qus fabrıkasy («Koger LTD» JSHS) men pıaz ben kartop ósirý boıynsha sharýa qojalyqtarynda («Úshtóbe» SHQ, «Nasdana» SHQ, «Baımurat» SHQ) boldy.
«Almaty qalasynyń ákimi Baqytjan Saǵyntaevtyń tapsyrmasy boıynsha alǵash ret Almaty oblysynyń taýar óndirýshilerinen azyq-túlik ónimderin tikeleı jetkizý boıynsha ýaǵdalastyqqa qol jetkizildi. Endi fermerler Almatyǵa kókónister, qant, sút, jumyrtqa, makaron ónimderi, qus eti jáne basqa da azyq-túlik taýarlaryn jetkizetin bolady. Sonymen qatar, bul taýarlardy óndirýshiler qalanyń saýda jelileri men bazarlaryna deldalsyz tikeleı júzege asyrady. Biz taýarlardy usynylǵan baǵaǵa sáıkes jetkizý jáne ónim baǵasynyń negizsiz kóterilýine jol bermeý týraly da kelistik», – dedi Almaty qalasy ákiminiń orynbasary Maqsat Qıqymov.
Azyq-túlik taýarlarynyń baǵasyn turaqtandyrý úshin Almaty ákimdigi birqatar keshendi is-shara qabyldady. «Magnum» jáne «Toimart» sıaqty iri saýda jelilerine ÁMAT-nyń 15 ataýyn tómen baǵamen alyp-satý úshin jeńildikter berildi: nan jetkizý úshin «Aqsaı «HBK» JSHS, sıyr eti men taýyq etin jetkizý úshin «Union Products» JSHS, sıyr etin jetkizý úshin «Asyl Meat» JSHS. Sonymen qatar, «Aqsý Kant» JSHS-nen «Magnum» saýda jelisine 3,5 myń tonna qant belgilengen baǵa boıynsha jetkizile bastady. 3 jyl merzimge shekti baǵa boıynsha 49,6 mln. jumyrtqa jetkizý úshin «Alsad» JSHS-men kelisimge keldi.