Qazaqstan óńírlík avıatsıyalyq habty qalyptastyru úshín kadrlar daıyndyǵyn kúsheıtude.
Azamattyq avıatsıya akademıyasynda Kólík mınıstrí Marat Qarabaev, Ǵylym jáne joǵary bílím mınıstrí Sayasat Nūrbek, sondaı-aq avıakásíporyndar men áríptestík ūıymdardyń basshylarynyń qatysuymen oqu-ádístemelík bírlestíktíń keńeıtílgen otyrysy jáne salalyq keńes óttí, dep habarlaıdy aqshamnews.kz.
Kólík mınıstrlgíníń málímetínshe, qatysushylar avıatsıyalyq personaldy dayarlaudyń strategıyalyq baǵyttaryn, bílím beru baǵdarlamalaryn halyqaralyq standarttarǵa beıímdeudí jáne saladaǵy kadr tapshylyǵyn eńseru jóníndegí sharalardy talqylady.
Jyl saıyn salaǵa 600-den astam maman qajet. Olardyń qatarynda ūshqyshtar, ınjenerler, dıspetcherler, logıster, qauípsízdík jáne pılotsyz júıe mamandary bar.
«Memleket basshysynyń tapsyrmasyna sáıkes ShQO-daǵy Zaısan jáne Qatonqaraǵaı audandarynda ekí jańa áuejaı qūrylysyn bastap kettík. Osyǵan ūqsas jūmystar Mańǵystau oblysyndaǵy Kendírlíde de bastalady. Būdan basqa, Arqalyq qalasy áuejaıynyń qyzmetín qalpyna keltíru qajet. Jańa áuejaılar keleshekte 1 myńǵa juyq tūraqty jūmys ornyn qūruǵa múmkíndík beredí. Būl úshín árıne óz ísíníń mamandary kerek» - dedí Marat Qarabaev.
Akademıya - Qazaqstandaǵy ICAO, IATA, AVSEC standarttary boıynsha mamandar dayarlaıtyn jalǵyz joǵary oqu orny. Búgíngí tańda mūnda bakalavrlar, magıstrler men doktoranttardy qosqanda 2000-nan astam student oqıdy.
Akademıya bílím beru modelín transformatsıyalau boıynsha negízgí bastamalardy ūsyndy: EASA (Part-FCL jáne part-66) standarttaryn engízu, baǵdarlamalardy aǵylshyn tílínde íske qosu, ūshqyshsyz avıatsıyalyq júıeler ortalyǵyn damytu, oqytudy tsıfrlandyru jáne dualdy formatty keńeıtu.