Okrugtík saılau komıssıyalarynyń sheshímíne sáıkes, elímízdíń 14 oblysynyń 176 audanyndaǵy (qalasyndaǵy) 730 okrug boıynsha saılau jarıyalandy.
Sayası partıyalardyń íshínen eń kóp kandıdattardy Nur Otan partıyasy ūsyndy dep habarlaıdy Almaty-akshamy.kz aımaqtyq saılau komıssıyalarynyń málímetíne súıeníp.
Nauqan bastalǵaly berí respublıkada 2322 kandıdat ūsynylǵan, onyń íshínde 7 shíldede - auyldyq ákímdíkke 102 kandıdat ūsynyldy.
Olardyń íshínde ózín-ózí ūsynǵan kandıdattardyń eń kóp sany - 1 455 adam (62,7%), sayası partıyalardyń ūsynǵany – 867 adam (37,3%).
Sayası partıyalardyń íshínen eń kóp kandıdattardy Nur Otan partıyasy ūsyndy - 588 adam (67,8%),
«Auyl» - 100 adam (11,5%), Qazaqstannyń halyq partıyasy - 70 adam (8,1%), ADAL - 56 adam (6,5%) AQJOL - 53 adam (6,1%). Al, JSDP bír de bír kandıdat ūsynbapty.
Kandıdattardyń eń kóp bólígí Aqmola (300), Qaraǵandy (267), Almaty (247) jáne Shyǵys Qazaqstan (237) oblystarynda saılau jarıyalanǵan okrugterdíń kóptígíne baılanysty ūsynyldy. Al eń az kandıdat ūsynǵan Mańǵystau (36), Atyrau (60) jáne Batys Qazaqstan (82) oblystary.
Eldegí kandıdattar arasyndaǵy báseke bír orynǵa 3,2 adamnan kelíp tūr. Básekesí eń joǵary aımaq - Túrkístan (3,8), Mańǵystau (3,6), Qaraǵandy (3,6) jáne Almaty (3,5) oblystary. Eń az báseke Qostanaı (2,3) jáne Batys Qazaqstan (2,6) oblystarynda.
Kandıdattardy ūsynu 9 shíldede bastaldy, sonymen bírge kandıdattardy tírkeu qatar júrude (úmítkerlerdí tírkeu 14 shíldedegí saǵat 18-00 deıín).
