Almaty qalasynyń Áýezov aýdany áleýmettik-ekonomıkalyq damý kórsetkishteri boıynsha turaqty jáne senimdi ósim kórsetip keledi. 2025 jyldyń alǵashqy bes aıynyń qorytyndysy boıynsha negizgi kórsetkishter boıynsha oń dınamıka baıqalady.
Eń mańyzdy jetistikterdiń biri — búdjetke salyqtar men basqa da mindetti tólemderdiń túsý kóleminiń artýy: 2024 jyldyń sáıkes kezeńinde 91,5 mlrd teńge bolsa, 2025 jyly bul kórsetkish 169 mlrd teńgege jetti. Bul derekter Almaty óńirlik komýnıkasıalar qyzmetiniń baspasóz konferensıasynda aýdan ákimi Abzal Egemberdıevtiń aıtýymen jarıa etildi.
«Salyq túsimderiniń 84,7%-ǵa ósýi — aýdandaǵy iskerlik belsendiliktiń artýyn, kásipkerlik sektordyń nyǵaıýyn jáne kásiporyndardyń qarjylyq turaqtylyǵynyń jaqsarǵanyn kórsetedi», — dedi aýdan ákimi.
Aýdanda shaǵyn jáne orta bıznesti damytýǵa erekshe nazar aýdarylýda. SHOB jumys isteıtin sýbektileriniń sany 6%-ǵa ósip, 68 myńnan asty. Bul — aýdandaǵy qolaıly iskerlik klımattyń, jergilikti atqarýshy bılik tarapynan bıznesti qoldaýdyń tıimdiliginiń jáne turǵyndar arasyndaǵy kásipkerlik belsendiliktiń joǵary deńgeıiniń dáleli.
Osylaısha, Áýezov aýdany Almatydaǵy eń qarqyndy damyp kele jatqan aýdandardyń biri retinde óz pozısıasyn nyǵaıtyp, áleýmettik-ekonomıkalyq salada turaqty ósim men senimdi damý kórsetip keledi.