Qazaqstanda aua raıynyń kúrt nasharlauyna baılanysty bírneshe oblysta respublıkalyq mańyzy bar tas joldar jabyldy. «QazAvtoJol» ūlttyq kompanıyasy 2026 jylǵy 8 nauryz tańǵy saǵat 08:00-degí jaǵdaı boıynsha shekteu qoıylǵan uchaskelerdíń tízímín jarıyalady, – dep habarlaıdy aqshamnews.kz tílshísí.
Qaı óńírlerde jol jabyq?
Sınoptıkterdíń dauyldy eskertuínen keıín elímízdíń tórt oblysynda kólík qozǵalysyna tyıym salyndy.
Aqmola oblysy:
Astana — Shıdertí: Astanadan Pavlodar oblysynyń shekarasyna deıín (16-200 km);
Astana — Qostanaı: Jaqsy auylynan SQO shekarasyna deıín (346-407 km);
Astana — Qaraǵandy: Jíbek Joly auylynan Qaraǵandy oblysynyń shekarasyna deıín (30-92 km).
Qaraǵandy oblysy:
Astana — Almaty: Aqmola oblysynyń shekarasynan Temírtau aqyly ótkelíne deıín (92-164 km);
Qalqaman — Botaqara: Pavlodar oblysynyń shekarasynan Botaqara auylyna deıín (231-324 km);
Qyzylorda — Pavlodar: Molodejnyı kentínen Pavlodar oblysynyń shekarasyna deıín (1066-1135 km).
Pavlodar oblysy:
Qyzylorda — Shıdertí: Qaraǵandy oblysynyń shekarasynan Shıdertí auylyna deıín;
Pavlodar — RF shekarasy: Sharbaqty baǵyty boıynsha;
Astana — Pavlodar: Aqmola oblysynyń shekarasynan Atameken auylyna deıín;
Pavlodar — Semeı: Kenjekól auylynan Abaı oblysynyń shekarasyna deıín.
Abaı oblysy:
Semeı — Pavlodar: Pavlodar oblysynyń shekarasynan Semeı qalasyna deıín (587-733 km) jol jabyq.
Eske sala keteıík, búgín Qazaqstannyń basym bólígínde dauyldy eskertu jarıyalanǵan. Bírqatar óńírde qar aralas jańbyr, boran, tūman jáne kóktaıǵaq kútíledí. Jeldíń ekpíní kúsheıíp, joldaǵy kórínís nasharlauy múmkín.
