Atyrau oblysynda 2026 jyly 22 jańa sport keshenín paıdalanuǵa beru josparlanyp otyr, dep habarlaıdy Aqshamnews.kz tílshísí.
Óńírde sport ınfraqūrylymyn damytu jūmystary qarqyndy júrgízílude. Jańa nysandar būqaralyq jáne balalar-jasóspírímder sportyn damytuǵa, qala men auyl tūrǵyndaryna teń múmkíndík jasauǵa baǵyttalǵan. Ásírese sport nysandary tapshy, jastary kóp eldí mekenderge basymdyq berílgen.
Qūrylys Atyrau qalasynyń «Jūldyz» shaǵynaudanynda jáne Erkínqala auyldyq okrugínde, sondaı-aq Inder, Qūrmanǵazy, Isataı, Mahambet, Maqat jáne Qyzylqoǵa audandarynyń auyldarynda júríp jatyr. Jańa keshenderde boks, erkín jáne grek-rım kúresí, dzyudo, jeńíl atletıka, basketbol, voleıbol jáne baıdarka men kanoede esu sekíldí olımpıadalyq árí ūlttyq sport túrlerímen aınalysuǵa jaǵdaı jasalady.
Oblystyq dene shynyqtyru, sport jáne turızm basqarmasynyń málímetínshe, nysandar íske qosylǵannan keıín 3 myńǵa juyq bala men jasóspírímdí tūraqty sportqa tartu kózdelíp otyr. Qazír óńírde 800-ge juyq sport nysany jūmys ísteıdí.