Qazírgí uaqytta mamandar óńír aumaǵynda 217 shaqyrym magıstraldyq jelí tartty, dep habarlaıdy aqshamnews.kz tílshísí.
Búgínde Qaraǵandy oblysyndaǵy 39 auyldyq eldí meken joǵary jyldamdyqty ınternetke qosylǵan. Jalpy óńír boıynsha 180-nen astam auyldy sapaly ınternetpen qamtu josparlanyp otyr. Nátıjesínde shamamen 50 myń tūrǵyn tūratyn 22 myńnan astam úı joǵary jyldamdyqty ınternetke qol jetkízedí.
Qaraǵandy oblysynyń Osakarov audanynda Molodejnoe – Amanqońyr uchaskesínde talshyqty-optıkalyq jelí tartu jūmystary jalǵasuda.
Qazírgí uaqytta mamandar óńír aumaǵynda 217 shaqyrym magıstraldyq jelí tartty. Jalpy oblysta 2,5 myń shaqyrymnan astam talshyqty-optıkalyq jelí salu kózdelgen.
Jūmystar bekítílgen kestege sáıkes júrgízílude. Qūrylys kezeń-kezeńímen ayaqtalǵan saıyn jańa auyldyq eldí mekender joǵary jyldamdyqty ınternetke qosylady.
Jyldam árí tūraqty ınternettíń auyl tūrǵyndary úshín mańyzy zor. Ol bílím aluǵa jáne onlaın jūmys ísteuge, memlekettík qyzmetterdí qashyqtan aluǵa, medıtsınalyq jáne áleumettík servısterdí paıdalanuǵa keń múmkíndík beredí. Sonymen qatar ınternet ınfraqūrylymynyń damuy auyl kásípkerleríne jańa múmkíndíkter ashyp, jergílíktí bıznestíń damuyna serpín beredí.
Bastama QR Jasandy ıntellekt jáne tsıfrlyq damu mınıstrlígíníń tapsyrysy boıynsha «Qoljetímdí ınternet» respublıkalyq jobasy ayasynda «Qazaqtelekom» AQ-men bírlesíp júzege asyryluda.