Astanada jetí jasar shóberesíne jynystyq zorlyq jasaǵan 82 jastaǵy er adamǵa qatysty sot úkímí shyqty, dep habarlaıdy Aqshamnews.kz tílshísí.
Aqparatty NeMolchıKZ qorynyń jetekshísí Dına Smaıylova Facebook paraqshasynda jarıyalaǵan. Onyń jazuynsha, qaıǵyly oqıǵa balanyń tuǵan kúnín atap ótu kezínde, tuystary jınalǵan úıde bolǵan. Qart adamdy qylmys ústínde otbasy múshelerí ūstap qalǵan.
Ístíń mán-jaıy kuágerlerdíń kórsetulerí men sot-medıtsınalyq saraptamalardyń qorytyndylarymen rastalǵan. Sot er adamdy QR Qylmystyq kodeksíníń 121-babynyń 4-bólígí («Seksualdyq sıpattaǵy zorlyq-zombylyq áreketterí») boıynsha kínálí dep tanyp, 20 jylǵa bas bostandyǵynan aıyru jazasyn taǵaıyndady.
Dına Smaıylovanyń aıtuynsha, jábírlenushí qyzdyń anasy qorǵa 2025 jyldyń 5 sáuírínen 6 sáuíríne qaraǵan túní, balany saraptamaǵa aparǵannan keıín bírden habarlasqan.
Qūqyq qorǵaushy aıyptalushynyń qylmysyn jaqsy túsíngenín, ūstalǵan sátte qashyp ketíp, bír táulík boıy ízín jasyruǵa tyrysqanyn atap óttí. Sonymen qatar, otbasynda kúdíktíníń jasynyń úlkendígín alǵa tartyp, ístí sotqa jetkízbeudí ūsynǵandar da bolǵan.
