23 qańtarda aýa raıynyń nasharlaýyna baılanysty Astanada nólinshi synyptan bastap 11 (12) synypqa deıingi oqýshylar, sondaı-aq 9-synyp negizinde oqıtyn kolejderdiń 1-2 kýrs stýdentteri birinshi aýysymda qashyqtan oqýǵa aýysady. Bul týraly Astana qalasynyń bilim basqarmasy málimdedi.
Aldaǵy úsh táýlikte el boıynsha aýa temperatýrasynyń odan ári tómendeýi kútilýde. Aıazdan saqtaný jáne qaýipsizdikti qamtamasyz etý maqsatynda bilim berý mekemeleri ýaqytsha onlaın formatta jumys isteıtin bolady.
Mundaı shara oqýshylardyń densaýlyǵy men qaýipsizdigin saqtaý úshin qabyldanyp otyr. Ata-analarǵa aýa raıyna baılanysty aqparatty baqylap, balalardyń qajettilikterin qamtamasyz etý usynylady.