Astanada «Ádílet» partıyasynyń II Sezí óz jūmysyn bastady. Sezd jūmysyna partıya delegattary, qoǵamdyq jáne kásíbı bírlestíkterdíń ókílderí qatysyp jatyr , – dep habarlaıdy aqshamnews.kz tílshísí.
Ís-sharaǵa qūrylys, densaulyq saqtau, bílím beru, kólík, telekommunıkatsıya, turızm, kásípkerlík, energetıka, tsıfrlyq tehnologıyalar jáne mūnaı-servıs salasyn ūsynatyn írí salalyq bírlestíkterdíń, kásíbı qauymdastyqtardyń jáne sarapshylyq ūıymdardyń jetekshílerí qatysuda. Olar partıya qataryna ótíp, búgínde onyń ūıymdyq áleuetín nyǵaıtuǵa jáne baǵdarlamalyq maqsattaryn júzege asyruǵa atsalysuda. Sonyń íshínde «PARYZ» jūmys berushílerdíń ūlttyq konfederatsıyasy, Qazaqstannyń Azamattyq alyansy, Qazaqstannyń mūnaı servıstík kompanıyalar odaǵy, Qazaqstan ınvestorlary qauymdastyǵy, Qazaqstan baılanys operatorlary qauymdastyǵy, Qazaqstan avtomobıl odaǵy jáne basqa da ūıymdar bar.
Sezd jūmysyna «AMANAT» partıyasynyń ókílderí de qatysuda. Atalǵan partıyanyń «Ádílet» partıyasyna qosyluy máselesí sezd delegattarynyń qarauyna shyǵaryldy. Sonymen qatar II Sezdíń kún tártíbíne partıyanyń odan árí damuy, óńírlík fılıaldardy qūru jáne ūıymdyq qūrylymdy nyǵaıtu máselelerí engízíldí.
Sezd qarsańynda strategıyalyq sessıya ūıymdastyrylyp, delegattar partıyanyń aldaǵy kezeńdegí basym baǵyttaryn talqylady.
«Ádílet» partıyasy túrlí kásíbı qauymdastyqtar men qoǵamdyq bírlestíkter ókílderíníń bastamasymen qūryldy. Partıyanyń qalyptasuy 2026 jylǵy 15 nauryzda qabyldanǵan Qazaqstan Respublıkasynyń jańa Konstıtutsıyasynan keıín bastalǵan sayası jańǵyru kezeńímen tūspa-tūs keldí.
2026 jylǵy 7 mamyrda Astanada «Ádílet» sayası partıyasynyń qūryltaı sezí ótíp, partıyanyń resmı qyzmetí bastaldy. Al 2026 jylǵy 1 mausymda Qazaqstan Respublıkasynyń zańnamasyna sáıkes Qazaqstan Respublıkasy Ádílet mınıstrlígí «Ádílet» sayası partıyasyn memlekettík tírkeuden ótkízdí.
Partıya eńbek adamdarynyń, mūnaı-servıs jáne tau-ken metallurgıyasy salasy qyzmetkerleríníń, shahterlerdíń, sport, bílím beru, densaulyq saqtau, ǵylym, kásípkerlík, IT-sektor, qūqyq salasy jáne kreatıvtí ındustrıya ókílderíníń basyn bíríktíredí.
Partıya platformasynyń negízín ádílettílík, jauapkershílík, teńdík, otansúıgíshtík jáne progress qaǵıdattary qūraıdy. Partıya zań ústemdígín nyǵaıtudy, tıímdí memlekettík jáne qoǵamdyq ınstıtuttardy damytudy, óńírlerdí qoldaudy, adamı kapıtaldy jetíldírudí, tsıfrlandyrudy ílgeríletudí jáne básekege qabílettí ekonomıkany qalyptastyrudy qoldaıdy.
«Ádílet» partıyasynyń II Sezí óz jūmysyn jalǵastyruda.