Respýblıka kúnine oraı jáne «Adal azamat» biryńǵaı tárbıe baǵdarlamasy aıasynda Memlekettik rámizder alańynda aýqymdy fleshmob ótti.
Onyń qatysýshylary «Atameken» ánin oryndady. İs-sharaǵa elordalyq mektepterdiń 1500-den astam oqýshysy qatysty, - dep habarlaıdy Aqshamnews.kz.
- Fleshmob óskeleń urpaqtyń boıynda azamattyq biregeılikti, táýelsiz Qazaqstannyń Memlekettik rámizderi men dástúrlerin qurmetteýdi qalyptastyrýǵa baǵyttalǵan. Oryndaý barysynda qatysýshylar Qazaqstannyń jas býynynyń birligi, dostyǵy men ashyqtyǵynyń sımvoly - ashyq alaqan beınesin jasap, bes qatarǵa turdy. Bul alaqan jylýlyq pen qoldaýdyń beınesine aınaldy, - delingen habarlamada.
Sonymen qatar Astananyń barlyq mektebinde osyndaı fleshmobtar ótti, oqýshylar «Meniń Qazaqstanym» aksıasyn qoldap, patrıottyq kompozısıany oryndady.