Radıoelektronıka jáne baılanys áskerı-ınjenerlík ınstıtutynda merzímdí qyzmettegí sarbazdardy zapasqa shyǵaruǵa arnalǵan saltanatty rásím óttí, - dep habarlaıdy Aqshamnews.kz.
Áskerı joǵary oqu ornynyń kúzgí shaqyrylymdaǵy qarauyl rotasynyń jauyngerlerí óz míndetterín abyroımen atqaryp, qyzmetterín laıyqty deńgeıde ayaqtady.
Olardyń eńbegí eleníp, árbír sarbazǵa alǵys hattar men baǵaly syılyqtar tabystaldy. Jyl íshínde qyzmetímen erekshelengen áskerı qyzmetshílerge kezektí áskerı ataqtar beríldí.
Būl shaqyrylymda jauyngerlík jáne kásíbı dayarlyqta joǵary nátıjeler kórsetken alty sarbaz bílím granttaryna ıe boldy. Onyń beseuí Qazaqstan Respublıkasy Qorǵanys mınıstrlígíníń áskerı joǵary oqu oryndarynda bílímín jalǵastyrsa, bíreuí ál-Farabı atyndaǵy Qazaq ūlttyq unıversıtetíne oquǵa túsetín boldy. Sonymen qatar tórt sarbaz Qaruly kúshter qatarynda kelísímshart negízínde qyzmetín jalǵastyruǵa sheshím qabyldady.
– Qyzmet men úshín mańyzdy ómírlík beles boldy. Ol maǵan azamattyq boryshymdy óteuge múmkíndík beríp, joǵary oqu ornyna jol ashty. Qoldau kórsetkení jáne ósuge jaǵdaı jasaǵany úshín Qorǵanys mınıstrlígíne alǵys aıtamyn, – dedí merzímdí qyzmettíń qatardaǵy jauyngerí Dılyar Zıyaudınov.
Radıoelektronıka jáne baılanys áskerı-ınjenerlík ınstıtuty qarauyl rotasy qūrylǵannan berí merzímdí qyzmettegí on tórt sarbaz bílím grantyna ıe boldy. On besí Qorǵanys mınıstrlígíníń áskerı joǵary oqu oryndaryna oquǵa túsken, al beseuí kelísímshart boıynsha qyzmetín jalǵastyrǵan.
