Jobanyń erikti qatysýshylary bul jeńildikti paıdalana almaıdy.
«Qońyr-qyzyl» aımaqtaǵy Ashyq jobasynyń qatysýshylary úshin jumys ýaqyty 2 saǵatqa uzartyldy, dep habarlaıdy Almaty-akshamy.kz «Atameken» UKP-na silteme jasap.
QR BMSD 29 shildedegi №33 qaýlysyna sáıkes, Ashyq jobasyna qatysatyn kásipkerlik sýbektilerine 9 tamyzdan bastap saǵat 22.00-ge deıin, al «Ashyq kóshbasshysy» mártebesi bar obektilerge saǵat 00.00-ge deıin jumys isteýge ruqsat etildi.
Epıdjaǵdaıdy baǵalaý matrısasynda «qońyr-qyzyl» aımaq uǵymynyń engizilýimen kóptegen nysandarǵa, sonyń ishinde Ashyq kóshbasshylaryna demalys kúnderi jumys isteýge tyıym salyndy. Almaty qalasynyń sanıtarlyq-epıdemıologıalyq baqylaý departamenti bul tyıym 16 tamyzǵa deıin saqtalatynyn naqtylady. Biraq demalys emes kúnderi nysandardyń jumys isteý kestesi qaıta qarastyryldy.
Premer-mınıstrdiń orynbasary Eraly Toǵjanovtyń Ashyq jobasyna belsendi qatysatyn bıznes-qoǵamdastyq ókilderimen kezdesýinde adal bıznes sýbektileriniń jumys rejımine qatysty birneshe ret suraq qoıyldy.
Vedomstvoaralyq komısıanyń kezekti otyrysynda «Atameken» QR UKP 9 tamyzdan bastap «qońyr-qyzyl» aımaqtaǵy Ashyq jobasynyń qatysýshylary úshin jumys kestesi boıynsha artyqshylyqtar berý usynysymen shyqty.
Sondaı-aq, kásipkerlermen kezdesý barysynda Almatynyń bas sanıtarlyq dárigeri Jandarbek Bekshın bıznes úshin ony adal bolýǵa yntalandyratyn preferensıalar jasaý kerektigin atap aıtqan bolatyn.
«Jumys krıterııleri, preferensıalar men bıznes-qoǵamdastyqtyń usynystary talqylanǵan barlyq kezdesýler óz jemisin berdi, bul, árıne, keri baılanys bar ekenin bildiredi. Búgingi tańda Almaty boıynsha Ashyq jobasynyń 19450 qatysýshysy bar, onyń ishinde 11208 nysan - erikti qatysýshylar. Demalys kúnderi «qońyr-qyzyl» aımaqta ornalasqan nysandardyń jumys kestesi týraly suraqtar sany eki esege artty. Kásipkerler QR BMSD 29 shildedegi №33 qaýlysynyń mátininde jumys ýaqyty eki saǵatqa uzartylatynyna asa mán berdi. Biraq qaýlynyń qosymshasynda basqa jumys kestesi kórsetilgen bolatyn. Keleńsiz jaǵdaılardy boldyrmaý úshin, 9 tamyzdan bastap Ashyq jobasynyń qatysýshylaryna jumys rejımi eki saǵatqa uzartylǵanyn resmı túrde málimdeımiz», - dedi Almaty qalasy kásipkerler palatasynyń dırektory Aıtýar Qoshmambetov.