Qazaqstan futbolynyń kóshbasshy oıynshylarynyń bírí Ashat Taǵybergen ūlttyq qūramadan ketetínín málímdedí.
Būl turaly Soltústík Makedonıyamen bolǵan oıynnan keıín ótken baspasóz máslıhatynda bas bapker Álı Álıev habarlady.
Astana qalasynda ótken match 0:1 esebímen qonaqtardyń jeńísímen ayaqtaldy, dep habarlaıdy aqshamnews.kz.
34 jastaǵy jartylaı qorǵaushynyń būl sheshímí tek komanda úshín ǵana emes, búkíl el úshín de kútpegen málímdeme boldy.
Ashat Qazaqstan qūramasynda 2014 jyly alǵash ret óner kórsettí. Al 2021 jyly kapıtandyq míndettí óz moınyna alyp, komandanyń tíregíne aınaldy. Osy uaqyt aralyǵynda ol 63 match ótkízíp, 3 gol soǵyp, 7 nátıjelí pas bergen.
Ol Uels pen San-Marıno qūramalaryna gol soqsa, Danıya qaqpasyna soqqan aty ańyzǵa aınalǵan goly arqyly FIFA-nyń Pushkash syılyǵyna ūsynyldy. Árıne, marapat qolyna tımedí, bíraq būl sát el futbolynyń altyn qoryna endí.
Ashat – Pushkash syılyǵyna ūsynylǵan Qazaqstannyń alǵashqy árí ázírge jalǵyz futbolshysy. Onyń Danıya qaqpasyna baǵyttaǵan zymyrandaı soqqysy álí kúnge deıín jankúıerlerdíń esínde.
"Men qūramanyń jolynda barymdy saldym. Endí estafetany jas oıynshylarǵa tapsyratyn kez keldí. Osy jyldar íshínde qoldau bíldírgen bapkerlerge, áríptesteríme jáne jankúıerlerge alǵysym sheksíz. Būl – ómírímdegí erekshe kezeń boldy", – dedí Ashat matchtan keıín.
Ashat ázírge klub deńgeıínde ónerín jalǵastyryp jatyr. Ol álí de joǵary deńgeıde oınap, jas buynǵa úlgí boluda. Ūlttyq qūramadaǵy mansabyn ayaqtau kásíbı tūrǵyda salmaqty sheshím, árí naǵyz sport sheberíne laıyq qadam.
"Taǵybergen – úlgí bolarlyq oıynshy. Ol futbolmen ómír súrdí, árdaıym komanda úshín janyn saldy. Bíz onyń alańdaǵy kóshbasshylyǵyn saǵynatyn bolamyz", – dedí Álı Álıev.
Jankúıerler Ashatqa shyn júrekten alǵystaryn bíldírude. Onyń eren eńbegí, adaldyǵy men emotsıyaǵa toly oıyndary Qazaqstan futbolynyń tarıhynda máńgí saqtalady.