Qańtarda tauar sórelerínde búkílálemdík jeńíldík arta túsedí.
Aınalamyzdaǵy dúkenderde jeńíldík kóp-aq. Bíraq keıde arzan alamyz dep eselep shyǵyndalyp júrgen joqpyz ba? Kózge túser tūsqa «jeńíldík» dep aıqaılatyp qoıǵan tauardyń baǵasyn keıín qarasań, qūny jeńíldíksíz-aq sol qalpy tūrǵanyn baıqaısyń. Jalpy dúkender baǵany qalaı oınatady?
«the HODL» Telegram-arnasynda qarapaıym marketıngtík aılany bylaı túsíndíredí:
Jeńíldík dep tūrǵan tauardy satyp alatyn boldyńyz delík. Alaıda kassaǵa barǵanda basqa baǵa shyǵyp tūrady. Jeńíldík merzímí ayaqtalyp ketken, aktsıyanyń merzímí kózbe kórínbeıtín maıda jazumen jazylǵan. Keıde mán bermeı, satyp aluyńyz da múmkín.
Bír zattyń qūnyna ekí óním
"Jeńíldík" degen jazuy bar ádemí qaptamadaǵy tauarlar da marketologtar jıí qoldanatyn aılalardyń bírí.
Mysaly, satylymda tūrǵan bír shaıdyń qasynda skotchpen japsyrylǵan 250 grammdyq ekí shaı qaptamasy tūr delík. Mūndaı qoraptyń bíreuí – 1299 teńge, al ekeuí jeńíldíkpen – 2599 teńge tūrady. Būl – keremet jeńíldík. Ásírese, jańaǵy qoraptardyń janynda jeńíldíksíz 2 469 teńgege satylyp tūrǵan 500 grammdyq shaı qoraby bírge tūrsa.
Ūttyńyz ba, ūtyldyńyz ba?
Tūtynushy jeńíldíkpen shaı qoraptaryn satyp alatyn bolsa, ústíne artyq 130 teńge tóler edí. Típtí keıde baǵa aıyrmashylyǵy odan da joǵary boluy múmkín. Sondyqtan jeńíldík dep satylyp tūrǵan tauardyń qūnyn oısha eseptep kórgen artyq bolmaıdy.
Azyq-túlík alarda baǵa belgílerín, túbírtektí tekseríp qoyudy ūmytpańyz!