Májílíste arhıv ísín damytuǵa qatysty zań jobasy ekínshí oqylymda qaraldy, dep habarlaıdy aqshamnews.kz
Zań jobasy arhıv júıesín nyǵaıtuǵa, tsıfrlyq protsesterdí retteuge, derbes derekterdí qorǵauǵa jáne tarıhı mūrany saqtauǵa baǵyttalǵan.
Jańa zań jobasynyń negízgí jańalyqtary:
Ūlttyq arhıv qorynyń qūramyn qala qūrylysy, jobalyq-smetalyq jáne syzbalyq qūjattar esebínen keńeıtu;
Qūjattardy tūraqty saqtauǵa qabyldau jáne tsıfrlyq arhıvke ótkízu tártíbín retteu;
Byudjet esebínen jasalǵan audıovızualdy qūjattardyń míndettí danalaryn arhıvterge tapsyru;
Tsıfrlyq arhıvke arnalǵan jańa bap engízu.
Deputat Elnūr Beısenbaev mádenıet, arhıv jáne kítaphana qyzmetkerleríníń jalaqysyn arttyru máselesíne erekshe toqtaldy.
AMANAT partıyasynyń saılaualdy baǵdarlamasyndaǵy basty míndetterdíń bírí – mádenıet, arhıv jáne kítaphana qyzmetkerleríníń eńbekaqysyn kóteru. Osyǵan sáıkes zań jobasynda jergílíktí atqarushy organdardyń rólín kúsheıtetín normalar qarastyrylǵan. Endí olar auyldyq jerlerdegí arhıv mamandarynyń lauazymdaryn ózderí aıqyndap, jalaqyǵa qosymsha 25 paıyz ústemaqy belgíleı alady, – dedí ol.
Sonymen bírge Qazaqstan tarıhynda alǵash ret memlekettík arhıvterge “Ūlttyq” mártebe beríledí. Būl sheshím Parlament pen Úkímettíń eldíń tarıhı jady men mádenı mūrasyn saqtau baǵytyndaǵy bírlesken jūmysynyń nátıjesí.
Endí ūlttyq arhıv qyzmetkerleríne eńbekaqyny esepteu kezínde 1,75 eselík ústeme koeffıtsıent qoldanylatyn bolady. Aldaǵy jyly Astana men Almaty qalalaryndaǵy ekí arhıv osyndaı ūlttyq mártebege ıe boluy josparlanyp otyr.
