Qazaq ádebıetíníń asa kórnektí ókílí, Memlekettík syılyqtyń laureaty, «Parasat» jáne «Qūrmet» ordenderíníń ıegerí Kúlásh Ahmetova 79 jasynda dúnıe saldy.
Qaıǵyly habardy Mádenıet jáne aqparat mınıstrlígí jetkízdí, -dep habarlaıdy Aqshamnews.kz
Mınıstrlík marqūmnyń otbasy men tuǵan-tuystaryna, ádebı qauymǵa jáne barsha qazaqstandyqtarǵa kóńíl aıtatynyn jetkízdí.
Kúlásh Ahmetova qazaq poezıyasynda názík lırıkasymen, azamattyq asqaq únímen jáne ūlttyq ruhanıyatqa qosqan ólsheusíz úlesímen erekshelengen. Onyń «Aq gúlím meníń», «Sen meníń baqytymsyń», «Būlaqtaǵy jūldyzdar», «Meıírím», «Japyraq – jazdyń júregí» sıyaqty jyr jınaqtary bírneshe buyn oqyrmandardyń júregínde íz qaldyrǵan.
Ómírbayany
Kúlásh Díldáqyzy Ahmetova 1946 jyly 25 sáuírde Qyrǵyzstan Talas audany Kırov auylynda dúnıege kelgen.
Jambyl oblysy Talas audanyndaǵy Úsharal orta mektebín bítírgen
1961 jyly Jambyl medıtsınalyq uchılıshchesín meıírbıke mamandyǵy boıynsha bítírgen
1973 jyly Qazaq ūlttyq unıversıtetíníń jurnalıstıka fakultetín jurnalıst mamandyǵy boıynsha bítírgen
Úsharal medpunktínde meńgerushí, Talas audandyq «Lenın joly», 1973-1977 jyldary respublıkalyq «Qazaqstan pıonerí» (qazírgí «Ūlan») gazetterínde ádebı qyzmetker, bólím meńgerushísí, 1977-1980 jyldary «Jalyn» baspasynyń poezıya bólímínde redaktor boldy.
«Sen meníń baqytymsyń» atty kítaby úshín aqyn Qazaqstan Jastar odaǵy syılyǵynyń laureaty boldy.
Óleńderí orys, ukraın jáne túrkí halyqtarynyń tílderíne audarylǵan, mektep oqulyqtaryna engen. Táuelsízdíktíń on jyldyǵyna, Astananyń on jyldyǵyna arnalǵan respublıkalyq jazba aqyndar músháırasynyń Bas júldegerí.
Marapattary
1978 jyly «Sen meníń baqytymsyń» atty kítaby úshín Qazaqstan Lenın komsomoly syılyǵy beríldí
2006 jyly «Qūt» kítaby úshín Qazaqstan Respublıkasynyń Memlekettík syılyǵynyń laureaty atandy.
«Bolashaq» poemasy úshín K.Sımonov atyndaǵy halyqaralyq syılyqtyń ıegerí
2006 jyly - Qūrmet ordení
2017 jyly - Parasat ordení
Jambyl oblysynyń qūrmettí azamaty
QR kóptegen merekelík medaldarymen jáne prezıdenttíń alǵys hattarymen marapattalǵan
QR tūńǵysh prezıdentí - elbasy N.Á.Nazarbaevtyń ádebıet salasyndaǵy memlekettík jáne prezıdenttík stependıyalarynyń ıegerí.
