Aqtau mańynda AZAL áue kompanıyasynyń jolaushylar ūshaǵy apatqa ūshyraǵanyna bír jyl tolǵan soń, sol qaıǵyly oqıǵadan aman qalǵan bortserík Aıdan Ragımlı qaıtadan qyzmetíne kírístí, dep habarlaıdy Aqshamnews.kz tílshísí.
Qazírgí tańda ol óz kásíbı míndetín būrynǵydaı joǵary jauapkershílíkpen atqaryp júr. Būl turaly áue kompanıyasynyń áleumettík jelídegí resmı paraqshasynda jarıyalanǵan beınerolıkte aıtylǵan.
Vıdeoda Aıdan Ragımlıdíń ómíríndegí eń auyr kezeńderdíń bírí – J2-8243 Baku–Groznyı reısí ekení atap ótíledí.
«Keıbír sezímderdí sózben jetkízu múmkín emes. Alaıda ómír jalǵasa beredí. Aıdan sol auyr sátterdí júregínde saqtaı otyryp, búgín qaıtadan óz ísíne oralyp, jolaushylar qauípsízdígíne jauapty qyzmetín jalǵastyryp keledí», – delíngen rolık sıpattamasynda.
Aıta keteıík, áue apaty 2024 jylǵy 25 jeltoqsanda Aqtau qalasynyń mańynda bolǵan. Baku–Groznyı baǵytymen ūshqan AZAL áue kompanıyasynyń ūshaǵynda 67 adam, sonyń íshínde ekıpajdyń bes múshesí bolǵan. Apat saldarynan 38 adam qaza tauyp, 29 jolaushy aman qalǵan edí.