Shyǵys Qazaqstan oblysy Katonqaraǵaı audanynda halyqaralyq «Altaı – túrkí álemíníń altyn besígí» festıvalí kókpar oıynymen bastau aldy, – dep habarlaıdy aqshamnews.kz tílshísí ShQO ákímíníń baspasóz qyzmetíne sílteme jasap.
Odan soń Berel auylyndaǵy «Patshalar alqaby» tarıhı-mádenı keshení aumaǵynda belgílí aqyn Aqtan Nūrbaevtyń tuǵanyna 100 jyl toluyna oraı as beríldí. Oǵan qalamgerler, mádenıet qaıratkerlerí jáne aqynnyń jaqyndary qatysty.
Keshke qaraı dúıím jūrt «Tór Altaı Aqtanyn jyrlaıdy» atty respublıkalyq poezıya festıvalíne jınaldy. Jyr nóserí tógílgen sharaǵa Shyǵys Qazaqstan oblysynyń ákímí Nūrymbet Saqtaǵanov keldí.
«Qasıettí Tór Altaıdyń mūzart shyńdary aspanmen tíldesíp, móldír būlaǵy máńgílíktíń kúıín shertken, tasyn túrtse tarıh saırap, túgín tartsa maıy shyǵatyn būl ólkede dúnıege kelu bylaı tūrsyn, jaı ǵana bas qosudyń ózí – asqan baqyt. Osy óńírden túlep ūshqan kórnektí aqyn Aqtan Nūrbaevtyń 100 jyldyq mereıtoıyn eldík deńgeıde atap ótu úshín bas qosyp otyrmyz. Bíz úshín būl toı - qazaq jyrynyń mereıí, Altaıdyń abyroıy, ūlt ruhynyń saltanaty», - dedí aımaq basshysy.
Poezıya merekesínde elímízdíń ár óńírínen jınalǵan belgílí aqyndar men qalamgerler óleń oqydy. Olardyń qatarynda Erbol Alshynbaı (Abaı oblysy), Indıra Kereeva (Aqtóbe oblysy), Sherhan Talap (Astana qalasy), Díldá Uálıbek (Astana qalasy), Aıbek Oralhan (Pavlodar oblysy), Pírjan Sandybaı (Qyzylorda oblysy), Áskerhan Aqtaı (Shyǵys Qazaqstan oblysy), Mūrathan Kenjehanūly (Shyǵys Qazaqstan oblysy), Oljas Kereıhan (Shyǵys Qazaqstan oblysy), Orazaı Jeńísūly (Shyǵys Qazaqstan oblysy), Qyzyrbek Dúrgínbaıūly (Shyǵys Qazaqstan oblysy), Esenbol Nauryzbaı (Shyǵys Qazaqstan oblysy), Estaı Jańabaı (Shyǵys Qazaqstan oblysy), Qūmar Zıyathan (Shyǵys Qazaqstan oblysy) jáne Maqsat Dauylbaıūly (Astana qalasy) bar. Olardyń árqaısysyna jarty mıllıon teńgeden beríldí.
11 shílde kúní saǵat 11.00-de «Aqtanymyn Altaıdyń» atty respublıkalyq aqyndar aıtysy bastalady.
Al keshke sahna tóríne Qazaqstan, Ázerbaıjan, Vengrıya, Qyrǵyzstan, Ózbekstan, Túrkıya, Qaraqalpaqstan (Ózbekstan Respublıkasy), Bashqūrtstan (Reseı Federatsıyasy), Tyva Respublıkasy (Reseı Federatsıyasy) jáne Mońǵolıyadan kelgen ónerpazdar shyǵady. Keshtíń basty hedlaınerí – Dımash Qūdaıbergen bolmaq.