Qalada turıster úshín qolaıly jaǵdaı jasalǵan, dep habarlaıdy aqshamnews.kz tílshísí.
Almatynyń turızm salasyna salynǵan ınvestıtsıya kólemí sońǵy segíz jyldaǵy eń joǵary kórsetkíshke jettí. Būl turaly Almaty qalasy Turızm basqarmasynyń ókílderí aıtty.
2026 jyly qańtar-shílde aılarynda turızm salasyndaǵy negízgí kapıtalǵa 137,8 mlrd teńge ınvestıtsıya tartyldy. Būl ótken jyldyń osy kezeńímen salystyrǵanda 37,3%-ǵa joǵary.
Ásírese, 2019 jyly qańtar-shílde aılarymen salystyrǵanda Almatynyń turızm salasyna salynǵan ınvestıtsıya kólemí shamamen 2,8 ese artqany baıqalady.
Qarajattyń negízgí bólígí jolaushylardy jerústí jáne áue kólígímen tasymaldaudy, óner, oıyn-sauyq jáne demalys nysandaryn, qonaq úı ınfraqūrylymyn damytuǵa, sondaı-aq avtokólíktí jalǵa beru jáne lızıng qyzmetteríne baǵyttaldy.
Investıtsıya kólemíníń eń joǵary ósímí avtokólíktí jalǵa beru jáne lızıng, jolaushylar tasymaly, óner, oıyn-sauyq jáne demalys baǵyttarynda baıqaldy.
Būl kórsetkísh Almatyda turızm ındustrıyasynyń jańa deńgeıge kóterílíp kele jatqanyn kórsetedí. Kásípkerler qarjyny tek qonaq úıler men turıstík nysandarǵa ǵana emes, olarmen baılanysty kólík, mobıldílík, qonaqjaılyq, oıyn-sauyq jáne demalys ınfraqūrylymyna da baǵyttap otyr.
Qalada turıster úshín qolaıly jaǵdaı jasalyp, olardyń Almatyda ūzaqtau boluyna múmkíndík beretín zamanauı turıstík ekojúıe qalyptasyp keledí. Būl rette kórsetíletín qyzmet túrlerí de keńeıíp, qala tūrǵyndary men qonaqtaryna arnalǵan jańa múmkíndíkter paıda bolyp otyr.
Jetí aıda salynǵan 137,8 mlrd teńge bıznestíń Almatynyń turıstík áleuetíne degen senímíníń aıqyn kórsetkíshí. Sonymen qatar būl turızmníń qala ekonomıkasyn damytudyń bolashaǵy zor baǵyttarynyń bíríne aınalyp kele jatqanyn ańǵartady.
Investıtsıyalyq belsendílíktíń saqtaluy jańa jobalardy júzege asyruǵa, zamanauı turıstík nysandardyń kóbeyuíne jáne qalalyq ınfraqūrylymnyń sapasyn arttyruǵa múmkíndík beredí. Būl óz kezegínde Almatynyń Qazaqstan men Ortalyq Azıyadaǵy jetekshí turıstík ortalyq retíndegí pozıtsıyasyn odan árí nyǵaıtuǵa yqpal etedí.