2026 jyldyń alǵashqy jartyjyldyǵynda Almaty halyqaralyq turıstík naryqtardaǵy ílgeríletu jūmystaryn kúsheıttí, – dep habarlaıdy aqshamnews.kz tílshísí. Būl turaly qalalyq Turızm basqarmasynyń ókílderí aıtty.
Negízgí nátıjelerdíń bírí Guanchjou qalasynda ótken GITF-2026 halyqaralyq turıstík kórmesíne qatysu boldy. Kórme ayasynda ūıymdastyrylǵan «Almaty qalasynyń turızm kúní» barysynda sheteldík seríktestermen yntymaqtastyq turaly 22 memorandumǵa qol qoıyldy.
Qūjattar Almatyny halyqaralyq deńgeıde ílgeríletuge, turıster legín arttyruǵa jáne jańa turıstík ónímderdí ázírleuge baǵyttalǵan bírlesken jūmystardy kúsheıtedí. Qol jetkízílgen kelísímderdí júzege asyru nátıjesínde 2027 jyldyń sońyna deıín Almatyǵa 110 myńǵa deıín turıst tartu josparlanyp otyr.
Bírínshí jartyjyldyqta Almaty ókílderí Úndístan, Qytaı, Ońtústík Koreya jáne Gonkongta ótken írí halyqaralyq turıstík kórmelerge de qatysty. Osy alańdarda sheteldík turoperatorlarmen, áue kompanıyalarymen, qonaqúı jelílerímen jáne salalyq ūıymdarmen júzdegen B2B-kezdesu ótkízíldí.
Basqarma málímetínshe, būl jūmystar halyqaralyq yntymaqtastyqty keńeıtuge, Almatynyń turıstík áleuetín nasıhattauǵa jáne sheteldík turıster sanyn arttyruǵa baǵyttalǵan.