Almatyda 8 nauryz – Halyqaralyq áıelder kúníne oraı qala tūrǵyndary, áıelder qauymy almatylyqtarǵa úndeu jasap, aldaǵy referendumǵa qatysuǵa shaqyrdy, – dep habarlaıdy aqshamnews.kz tílshísí.
Beınerolıkte qoǵam qaıratkerlerí, pedagogter, kásípkerler, dárígerler jáne belsendí qala tūrǵyndary sekíldí túrlí sala ókílderí tūrǵyndardy kóktem merekesímen qūttyqtap, azamattyq jauapkershílíktíń mańyzyn atap ótedí. Olardyń aıtuynsha, referendumǵa qatysu – óz ūstanymyńdy bíldíríp, el bolashaǵyna úles qosudyń bír múmkíndígí.
Rolıkke qatysushylar Almaty qalasy árdaıym belsendí azamattyq ūstanymymen erekshelenetínín, al tūrǵyndardyń beıjaı qaramauy qalanyń árí eldíń damuyna yqpal etetínín atap ótedí.
Óz úndeulerínde olar almatylyqtardy belsendílík tanytyp, mańyzdy qoǵamdyq sharaǵa qatysuǵa shaqyrady.
Eske sala keteıík, 15 nauryz kúní Konstıtutsıya boıynsha referendum ótedí. Būl kúní tūrǵyndar dauys beruge qatysyp, mańyzdy memlekettík másele boıynsha óz tańdauyn jasaı alady.
