Búgín Tastybūlaq shaǵynaudany, Aqjar gúlzarynda 100 aǵash — terek pen qaraǵash kóshetí otyrǵyzyldy. Ís-sharaǵa jastar, ardagerler jáne audannyń belsendí tūrǵyndary qatysty. Aǵashtardyń bír bólígí kesílgen aǵashtyń ornyna egílgen. Būl jasyl aımaqtardy qalpyna keltíruge jáne ekologıyalyq tepe-teńdíktí saqtauǵa baǵyttalǵan.
Audan boıynsha aǵash egu jūmystary 10 qarashadan berí qarqyndy júrgízílíp keledí. 2025 jyly jalpy 2 200 aǵash egu josparlanǵan: 1 500 — Ekologıya jáne qorshaǵan orta basqarmasy tapsyrysymen, 700 — Nauryzbaı audany ákímdígíníń bastamasymen, onyń íshínde kesílgen aǵashtyń ornyna otyrǵyzu da bar. Búgínge deıín 600 aǵash egíldí. Írí kóshetter Abaı jáne Alatau dańǵyldarynda, qalǵan aǵashtar «Alma Sıtı» tūrǵyn úıler keshenderínde (E1, E3, E4, E5) jáne audan kóshelerínde otyrǵyzyldy.
«Audannyń kóz aldyńda ózgere bastaǵanyn kórgeníne quanyshtymyn, — dedí ardagerlerdíń bírí. — Mūndaı ís-sharalar árqaısymyzǵa qalamyzdy kórkeıtuge úles qosuǵa múmkíndík beredí».
Barlyq aǵashty kútíp-baptau dūmystary júrgízíledí. Qajet bolǵan jaǵdaıda quraǵan aǵashtardyń ornyna kóshetter otyrǵyzylady.