Nauryzbaı audanynyń ákímí Nazıra Toǵyzbaeva Óńírlík kommunıkatsıyalar qyzmetíníń alańynda sóz sóılep, audannyń kóshe-jol jelísín damytu baǵytynda atqarylyp jatqan auqymdy jūmystar turaly bayandady.
Ákímníń aıtuynsha, 2025 jyly Jol ınfraqūrylymyn damytu basqarmasynyń tapsyrysy boıynsha jalpy ūzyndyǵy 37,7 shaqyrym bolatyn 30 kóshege ortasha jóndeu júrgízílgen, - dep habarlaıdy Aqshamnews.kz.
Sonymen qatar, jańa joldar salu ayasynda «BCS Construction» merdígerlík ūıymy Aqjar shaǵynaudanynda 15,5 shaqyrym (34 kóshe) asfalttady.
Shūǵyla shaǵynaudanyndaǵy qūrylys tolyq ayaqtaldy. Ūzyndyǵy 6,8 shaqyrym bolatyn 28 kóshe asfalttaldy, daıyndyq deńgeıí — 100%.
2024 jyly 50 myń sharshy metr jol jabyny qalpyna keltírílíp, 1,7 shaqyrym aryq jelísí salyndy. Bıyl 45 myń sharshy metr jabyny jóndelíp, 1000 qūdyq tegísteldí, 100 jańbyr qabyldaǵysh auystyryldy, sondaı-aq jalpy ūzyndyǵy 4,7 shaqyrym bolatyn 16 kóshede tehnıkalyq trotuar salyndy. Qosymsha 200 ózdígínen deńgeılenetín lyuk ornatyldy.
Audannyń basqa bólíktermen kólíktík baılanysyn arttyruǵa erekshe kóńíl bólíngene. Jol ınfraqūrylymyn damytu basqarmasy Abaı dańǵyly, Tóle bı men Jūbanov kóshelerín jalǵau jūmystaryn júrgízíp jatyr.
• Abaı dańǵyly – 600 m, ayaqtalu merzímí 2025 jyldyń sońyna deıín;
• Tóle bı kóshesí – ayaqtalu merzímí 2025 jyldyń sońyna deıín;
• Jūbanov kóshesí – ayaqtalu merzímí 2026 jyldyń tamyzy.
Jol qūrylysy jer telímderín satyp alu rásímderí ayaqtalǵan saıyn kezeń-kezeńímen júzege asyrylady.
«Jergílíktí atqarushy organdardyń basty míndetí – audan tūrǵyndary úshín qolaıly árí qauípsíz kólík ortasyn qalyptastyru. Barlyq jobalar ómír sapasyn arttyruǵa jáne ınfraqūrylymnyń qoljetímdílígín qamtamasyz etuge baǵyttalǵan», - dep atap óttí Nazıra Toǵyzbaeva.
