Óńírlík kommunıkatsıyalar qyzmetínde ótken baspasóz máslıhatynda Nauryzbaı audanynyń ákímí Nazıra Toǵyzbaeva osylaı dep habarlady.
Audan qolaıly qalalyq orta qalyptastyruǵa baryn salyp jatyr. 2025 jyly «Halyq qatysatyn byudjet» baǵdarlamasy ayasynda tūrǵyndar ūsynǵan 1 370 bastamanyń íshínen 34 joba íríktelíp alynyp, ony júzege asyruǵa 2,5 mlrd teńge bólíngen, - dep habarlaıdy Aqshamnews.kz.
Qazír abattandyruǵa arnalǵan 16 joba, qoǵamdyq keńístík qūratyn 9 joba men aula aumaqtaryn jańartudy kózdeıtín 6 joba ayaqtalyp qalǵan.
Ayaqtalǵan bastamanyń bírí – «Shūǵyla» tūrǵyn úı kesheníndegí jayau júrgínshíler aımaǵyn abattandyru. Mūnda balalardyń oıyn alańy, demalys aımaqtary jasalyp, jaryqtandyryp, avtosuaru júıesí ornatylyp, kógaldandyru jūmystary jasaldy.
Sonymen qatar 47 aula jóndelíp, Raıymbek, Dosmūhamedov, Karernaya kóshesí men Qarǵaly ózení boıynda abattandyru jūmysy júrgízílíp jatyr.
Tastybūlaq ózeníníń boıynda ūzyndyǵy 1,4 shaqyrym bolatyn jayau júrgínshíler jaǵalauy salynyp jatyr, ony 2026 jyldyń qarasha aıynda ayaqtamaq. Sonymen qatar Tastybūlaq pen Qarǵaly ózeníníń jaǵalauyn bekítu jūmysy qatar qolǵa alyndy. Keler jyly abattandyru jūmystary Abaı dańǵyly men Qonaev, Alatau, Áshímov, Shalyapın kóshesínde jalǵasady. Būl aumaqtarǵa 552 sándík sham men jańa kógaldandyru júıesí ornatylady.
«Bíz audannyń ár kvartaly jaıly bolyp, jasyl-jelekke oranyp tūrǵanyn qalaımyz. Sondyqtan abattandyrudy júıelí túrde júrgízíp jatyrmyz», - dedí Nazıra Toǵyzbaeva.