Almatynyń Multımedıyalyq dástúrlí muzyka ortalyǵynda jastarmen «Zań jáne tártíp» atty kezdesu saǵaty ūıymdastyryldy. Maqsat – qoǵamdaǵy qūqyqtyq sanany qalyptastyruǵa úles qosu, azamattardyń qūqyǵy men míndetín jan-jaqty túsíndíruge atsalysu.
Kezdesuge qaladaǵy Prime Legal Partners advokattyq keńsesíníń zańgerlerí Baqtıyar Jorabaev pen Mádı Aukenov keldí. Olar Qazaq avtomobıl-jol kolledjíníń studentteríne Memleket basshysy ūsynǵan «Zań jáne tártíp» qaǵıdatyn jan-jaqty túsíndírdí. El Prezıdentí Burabaıda ótken IV Ūlttyq qūryltaıda Ádílettí Qazaqstan qūru jolynda zań men tártíp basty qūndylyq ekenín de atap kórsetken bolatyn.
Zańgerler búgíngí aqparattyq tehnologıyalar qarqyndy damyǵan zamanda áleumettík jelílerdegí qūqyqtyq mádenıettí saqtau, zań normalaryna saı ís-áreketter jasau, qoǵamdyq oryndardaǵy adamnyń ís-áreketterí, áleumettík platformalarda boı kórsetetín alayaqtardyń arbauyna túsíp qalmau turaly áńgímeledí.
Spıkerler jastar arasynda jıí kezdesetín qūqyqtyq qatelíkter, zańsyz ís-áreketter oryn alsa jauapkershílíkten bosatylmaıtyny turaly da aıtyldy.
"Kezdesude búgíngí kúní jastar jeńíl jolmen aqsha tabu úshín esírtkí tasymaldau jolyna túsíp jatatyny turaly naqty derekter aıtyldy. Statıstıkaǵa súıensek, 14 myńǵa tayau 12-14 jas, 16-18 jas aralyǵyndaǵy jasóspírím jetí jyldan joǵary jaza arqalap, kolonıyalarǵa jíberílgen eken. Zańgerlerdíń aıtuynsha, kóbí janyndaǵy dostarynyń yqpalymen, sondaı-aq ózí de zańdy bílmegendíkten osyndaı keleńsíz jaǵdaılarǵa ūrynyp qalyp jatady. Zań ókílderí qoǵamda oryn alyp otyrǵan jasóspírímder arasyndaǵy dropıng, stalkıng, kıberbullıng máselelerín de qozǵady. Mūndaı jaǵdayattar aulada, mektepte, oqu oryndarynda, típtí jūmysta da kezdesíp jatatyn kórínedí. Alaıda, zań būzushylyq faktorlar bolǵan jaǵdaıda kez-kelgen adamnyń «men zańdy bílmedím» deuí ony qūqyqtyq jauapkershílíkten bosatpaıtynyn bílgení jón. Zańgerler jastarǵa osy máselelerdí, tártípke baǵynǵannyń eshteńeden ūtylmaıtynyn túsíndírdí", – deıdí Multımedıyalyq dástúrlí muzyka ortalyǵynyń jetekshísí Ruza Júnísqyzy.
