Almatynyń Medeu audanynda zańsyz salynǵan taǵy bír nysan súrílíp jatyr, – dep habarlaıdy aqshamnews.kz tílshísí.
Qala qūrylysyn baqylau basqarmasy ókílderíníń málímetínshe, sot sheshímí negízínde Begalın kóshesí, 140 mekenjaıyndaǵy tūrǵyn úıge zańsyz salynǵan ekí qabatty qosymsha nysan būzyla bastady.
Basqarmanyń habarlauynsha, menshík ıesí sáulet-josparlau tapsyrmasy men tehnıkalyq jobany rásímdemeı-aq, tūrǵyn úıdí qaıta jańǵyrtu jūmystaryn júrgízgen. Sonyń nátıjesínde úıge qosymsha qūrylys salynyp, ústínen qosymsha úı-jaılar tūrǵyzylǵan.
Atalǵan zańbūzushylyqqa baılanysty menshík ıesíne ákímshílík sharalar qoldanylyp, anyqtalǵan zańbūzushylyqtardy joyu turaly nūsqama berílgen. Alaıda nūsqama talaptary oryndalmaǵandyqtan, basqarma sotqa talap-aryz joldaǵan.
Medeu audandyq sotynyń sheshímímen qala qūrylysyn baqylau basqarmasynyń tūrǵyn úıge salynǵan ústeme qabat pen ekí qabatty qosalqy nysandy būzu turaly talap-aryzy qanaǵattandyryldy.
Sot sheshímín oryndau úshín menshík ıesí nysandy óz kúshímen bastady.