«Almaty Su» MKK aldyn ala qajettí mólsherde su qoryn jınap aludy sūraıdy, dep habarlaıdy aqshamnews.kz tílshísí.
Almatynyń Bostandyq audanynda sumen jabdyqtau jelílerínde josparly-profılaktıkalyq jūmystardyń júrgízíluíne baılanysty 13 tamyz saǵat 21:00-den 14 tamyz saǵat 06:00-ge deıín tūrǵyn úıler men ákímshílík ǵımarattarǵa su beru uaqytsha toqtatylady. Būl turaly «Almaty Su» MKK ókílderí habarlady.
Su beru myna aumaqtyń shegínde shekteledí:
Ál-Farabı dańǵyly – Nazarbaev dańǵyly – Abaı dańǵyly – Baızaqov kóshesí – Botanıkalyq baq – Erǵojın kóshesí.
Jūmystar qalanyń sumen jabdyqtau júıesíníń senímdílígí men tūraqtylyǵyn arttyru maqsatynda qolǵa alynǵan.
Su beru qaıta qalpyna keltírílgennen keıín su qūbyrlarynyń jelílerín shayuǵa baılanysty sudyń sapasy uaqytsha ózgeruí múmkín. Osy kezeńde tūrǵyndarǵa jelíler tolyq shaıylǵanǵa deıín kír juǵysh jáne ydys juǵysh mashınalardy, sondaı-aq sumen jabdyqtau júıesíne qosylǵan basqa da qūrylǵylardy paıdalanbau ūsynylady.
«Almaty Su» MKK uaqytsha qolaısyzdyq úshín tūrǵyndardan keshírím sūrap, aldyn ala qajettí mólsherde su qoryn jınap aludy sūraıdy.