Jyl basynan berí Almatynyń Belsendí ūzaq ómír súru ortalyqtarynyń qyzmetín 22 myńnan astam zeınetker paıdalandy, – dep habarlaıdy aqshamnews.kz tílshísí.
Almaty qalasy Jūmyspen qamtu jáne áleumettík baǵdarlamalar basqarmasyna qarasty «Almaty qalasynyń Belsendí ūzaq ómír súru ortalyǵy» KMM-de jáne audandyq Belsendí ūzaq ómír súru ortalyqtarynda jyl basynan berí shamamen 333 myń qyzmet kórsetíldí. Būl turaly qalalyq Jūmyspen qamtu jáne áleumettík baǵdarlamalar basqarmasynyń ókílderí aıtty.
«Almaty qalasynyń Belsendí ūzaq ómír súru ortalyǵy» kommunaldyq memlekettík mekemesí 2022 jyly qūryldy. Zeınet jasyndaǵy azamattarǵa kórsetíletín áleumettík qyzmetterge sūranystyń artuyna baılanysty 2024 jyldyń aqpan aıynan bastap qalalyq ortalyqtyń úsh bólímshesí ashyldy. Onyń ekeuí Bostandyq audanynda, bíreuí Medeu audanynda ornalasqan. Būl bólímshelerge kún saıyn shamamen 500 adam keledí.
Jyl basynan berí ortalyqqa 13 302 zeınetker júgíníp, olarǵa 48,4 myńnan astam qyzmet kórsetíldí.
Sonymen qatar Almaty qalasy ákímdíkteríníń janynan memlekettík áleumettík tapsyrys ayasynda úkímettík emes ūıymdar bazasynda jūmys ísteıtín 18 audandyq Belsendí ūzaq ómír súru ortalyǵy qyzmet kórsetedí. Jyl basynan berí būl ortalyqtarǵa 8 834 adam júgíníp, olarǵa 284,7 myńnan astam qyzmet kórsetíldí.
Ortalyqtardyń negízgí maqsaty – zeınet jasyndaǵy azamattardy belsendí qoǵamdyq, mádenı, shyǵarmashylyq, sporttyq jáne ískerlík ómírge tartu arqyly olardyń fızıkalyq jáne psıhıkalyq saulyǵyn nyǵaıtyp, belsendí ómír súru ūzaqtyǵyn arttyru.