Almatydaǵy Sayaly shaǵyn audanynda 2025 jyldyń sońyna qaraı auysymda 200 adam qabyldaıtyn MSAK ortalyǵynyń qūrylysy ayaqtalady
Almatynyń Alatau audanynda aǵymdaǵy jyldyń sońyna deıín taǵy bír ambulatorıyanyń qūrylysy ayaqtalady. Būl turaly qala basshysy Erbolat Dosaev audan tūrǵyndarymen kezdesu barysynda málímdedí.
Osy jyldyń nauryz aıynda Almaty ákímíníń tapsyrmasy boıynsha jáne jergílíktí tūrǵyndardyń ótíníshterín eskere otyryp, Alǵashqy medıtsınalyq-sanıtarlyq kómek ortalyǵynyń (MSAK) jańa ǵımaraty ashyldy. Qazírgí zamanǵy medıtsınalyq mekeme Qarasu jáne Ójet shaǵyn audandarynyń tūrǵyndary úshín qol jetímdí jerde ornalasqan.
Jańa bes qabatty MSAK ortalyǵy №25 qalalyq emhananyń fılıaly bolyp tabylady jáne jaqyn mańdaǵy shaǵyn audandardyń 18 myń tūrǵynyna qyzmet kórsetuge eseptelgen. Ortalyqtyń jobalyq quaty bír auysymda 200 kelushíní qūraıdy.
Būǵan deıín Qarasu shaǵyn audanynyń tūrǵyndary №21 emhana fılıalynyń eskí ǵımaratynda medıtsınalyq kómek alǵan, onda ambulatorıya nebárí 160 sharshy metr aumaqta ornalasqan. Jańa ortalyqtyń ashyluy audan tūrǵyndaryna qolaıly jaǵdaıda sapaly jáne uaqtyly medıtsınalyq kómek aluǵa múmkíndík beredí.
«Qarasha aıynda Sayaly shaǵyn audanynda 200 adam qabyldaıtyn taǵy bír ambulatorıyanyń qūrylysy ayaqtalady dep kútílude», - dedí Erbolat Dosaev.
Sondaı-aq, tamyz aıynda memlekettík saraptama qorytyndysyn ala otyryp, Alatau audanynda 300 tósektík kópbeıíndí auruhana men 200 tósektík perınataldyq ortalyq, Daraboz shaǵyn audanynyń qūrylysy boıynsha jobalau-smetalyq qūjattama ázírlenude. Sondaı-aq, 200 tósektík kópbeıíndí balalar auruhanasyn salu josparlanuda.
Aıta keteıík, ótken jyly Almatyda úsh otbasylyq-dárígerlík ambulatorıya paıdalanuǵa beríldí: Nūrshashqan shaǵyn audanynda (auysymyna 100 kelushíge), Mamyr shaǵyn audanynda (200 kelushíge) jáne Kemel shaǵyn audanynda (auysymyna 200 kelushíge), sondaı-aq Jūmysshy kentínde 300 kelushíge arnalǵan emhana jáne Balalarǵa shūǵyl medıtsınalyq kómek ortalyǵynyń jańa qabyldau bólímí ashyldy.
Búgínde Sayaly shaǵyn audanynda MSAK ortalyǵynyń, Aıbasov kóshesínde MSAK ortalyǵynyń jáne №4 jedel járdem qosalqy stantsıyasynyń qūrylysy júrgízílude.
Sondaı-aq, №4 Qalalyq klınıkalyq auruhanany, Bostandyq audanynda klınıkalyq-dıagnostıkalyq ortalyǵy (KDO) bar 500 kelushíge arnalǵan emhanany qaıta jańartu boıynsha QMJ bastaldy, Túrksíb audanynda KDO-men 500 kelushíge arnalǵan emhana qūrylysynyń jobalaryna, eskí korpusty būzuǵa jáne Almaly audanynda perzenthananyń jańa korpusyn saluǵa oń saraptama beríldí.