Alatau audanynda 2026 jyldyń sońyna deıín jalpy syıymdylyǵy 4 300 oryndyq tórt mekteptí ashu josparlanyp otyr, – dep habarlaıdy aqshamnews.kz tílshísí.
Būl turaly audan ákímdígíníń ókílderí aıtty.
Jańa oqu jylynda Zerdelí shaǵynaudanyndaǵy 550 oryndyq №178 lıtseı, Aqmarjan shaǵynaudanyndaǵy 2 myń oryndyq №230 mektep jáne Ǵajaıyp shaǵynaudanyndaǵy 1 200 oryndyq jańa mektep oqushylardy qabyldaıdy. Al Qarasu shaǵynaudanyndaǵy №160 mekteptí bıylǵy qarasha aıynda paıdalanuǵa beru josparlanǵan.
Sayaly shaǵynaudanynda táulígíne 200 kelushíge arnalǵan otbasylyq dárígerlík ambulatorıyanyń qūrylysy ayaqtaldy. Sondaı-aq mūnda balalardy úıírmelerge qabyldau júrgízílíp jatqan Innovatsıyalyq shyǵarmashylyq ortalyǵy salyndy.
Injenerlík ınfraqūrylymdy damytu jūmystary jalǵasuda. 2026 jyly Rahat–Mádenıet jáne Shapaǵat shaǵynaudandarynda ūzyndyǵy 177,8 shaqyrym bolatyn su qūbyry men káríz jelílerín paıdalanuǵa beru josparlanǵan. Būl shamamen 19 myń tūrǵyndy ınjenerlík qyzmettermen qamtamasyz etuge múmkíndík beredí. Terektí shaǵynaudanynda qosymsha 92,2 shaqyrym ınjenerlík jelí salynyp jatyr.
Sonymen qatar jalpy ūzyndyǵy 61,1 shaqyrym bolatyn 95 kóshede ortasha jol jóndeu jūmystary júrgízílude. Ūzyndyǵy 3,2 shaqyrym bolatyn Saın kóshesí aumaǵynyń qūrylysy ayaqtaldy. Boraldaı, Rahat–Mádenıet jáne Terektí shaǵynaudandarynda jūmystar jalǵasuda.