Qala tūrǵyndaryn 30 mln teńgege aldap soqqan alayaq qūryqqa tústí
Almaly audanynyń polıtsıya qyzmetkerlerí 39 jastaǵy P.esímdí azamatqa qatysty QR QK-níń 190-baby 3-bólígí boıynsha qylmystyq ís qozǵady. Er adam Almatynyń bírneshe tūrǵynyn aldaǵan degen kúdíkke ílíndí, dep habarlaıdy almaty-akshamy.kz Polisia.kz-ke sílteme jasap.
«Er adam bírneshe almatylyqtardy aldaǵan degen kúdíkke ílíndí. Onyń áreketínen keltírílgen jalpy materıaldyq shyǵyn shamamen 30 mıllıon teńgení qūraǵan. Aldanǵan azamattar kúdíktíníń zańsyz áreketterín óz aryzdarynda kórsetken. Aryzdanushylardyń bíríníń nūsqasyna sáıkes, ol P.esímdí azamatpen ınternette tanysqan. Jańa tanysy BAÁ nemese Europadan naryqtan tómen baǵaǵa kólík aluǵa kómektesudí ūsyndy. Kúdíktíge 30 myń dollar kólemínde aqsha audarylǵannan keıín ol baılanysqa shyǵuyn toqtatqan», – dedí Almaly audandyq polıtsıya basqarmasynyń bastyǵy Esen Ysqaqov.
Kúdíktí qamauǵa alyndy. Ístí qarau barysynda onyń taǵy bírneshe osyǵan ūqsas epızodtarǵa qatysy bar ekení anyqtaldy – qaskóı kepílge qoıylǵan páterlerdí satyp aluǵa múmkíndík beremín degen jeleumen jergílíktí tūrǵyndardyń aqshasyn jymqyrǵan. Būl joly ol ózín ekínshí deńgeılí bankterdíń bíríníń taratu komıssıyasynyń múshesí retínde kórsettí.
«Taǵy bír epızodta P.esímdí azamat qylmystyq ístí toqtatuǵa kómektesuge uáde bergen. Ūstalǵan adamǵa qatysty sotqa deıíngí tergeu merzímínde qamauǵa alu túríndegí būltartpau sharasy tańdaldy. Osy tūlǵanyń alayaqtyq áreketínen zardap shekken azamattar myna telefon nómírlerí arqyly habarlasularyńyzdy sūraımyz: 8-708-707-9202; 8-705-555-7763; 8-775-719-2727», – dep qorytyndylady Ysqaqov.