Jedel izdestirý-qutqarý jumystaryn 30 adam júrgizip jatyr.
7 shilde kúni Almaty qutqarýshylaryna habarsyz ketken azamatshanyń anasy telefon shalyp, ótinish bildirgen. Qazirgi kezde izdestirý jumystary júrgizilyp jatyr, dep habarlaıdy Almaty-akshamy.kz.
Mamandardyń aıtýynsha, 1980 jyly týylǵan azamatsha A.Kamıevany sońǵy ret Úlken Almaty kóliniń mańynda kórgen.
«1980 jyly týylǵan, BAO aýmaǵynda habarsyz ketken azamatsha A.Kamıeva týraly habarlama Almaty qalasy TJD 112 púltine búgin, 7 shildede, tańǵy saǵat 09:22-de tústi (ótinish berýshi - qyzdyń anasy. Onyń aıtýynsha, qyzyn sońǵy ret 5 shildede Úlken Almaty kóliniń mańynda kórgen. Telefony úıde qalǵan», – delingen Almaty qalasynyń Tótenshe jaǵdaılar departamentiniń baspasóz qyzmetiniń habarlamasynda.
Mamandardyń aıtýynsha, jedel izdestirý-qutqarý jumystaryna 30 adam, 7 birlik tehnıka jiberilgen, onyń ishinde respýblıkalyq jedel-qutqarý jasaǵynyń qutqarýshylary, qutqarý qyzmeti 109, eriktiler bar.
Kúndizgi ýaqytta İQJ-ǵa pılotsyz ushý apparattary iske qosyldy. İQJ júrgizýge arnalǵan kúshter kúsheıtilýde. Boljamdy izdeý ornyna jetkende, qutqarýshylar eki topqa bólindi. Bireýi Almaty «Alagır» asýy baǵytyna qaraı jumyldyryldy. Ekinshi top «Sovet» shyńyna qaraı ketken.