Olardyń arasynda professor Qaısar Tabynov ta bar.
Elorda kúní qarsańynda partıyanyń Almaty qalalyq fılıaly tóraǵasynyń bírínshí orynbasary Meıírjan Otynshıev megapolıs tūrǵyndaryna partıya bıletterín saltanatty túrde tabystady, dep habarlaıdy Almaty-akshamy.kz.
Qazaqstannyń dańqyn asqaqtatqan mádenıet pen sport, BAQ, kásípkerlík, ǵylym, densaulyq saqtau jáne bílím beru salasynyń ókílderí úlken yqylaspen "nūrotandyqtardyń" tízímín tolyqtyrdy. Partbılettí tapsyru rásímíníń aldynda Meıírjan Otynshıev jaqynda taǵaıyndalǵan Almaty joǵary oqu oryndarynyń rektorlary - Qazaq ūlttyq qyzdar unıversıtetíníń rektory Gúlmıra Qanaı jáne Abaı atyndaǵy Qazaq ūlttyq pedagogıkalyq unıversıtetíníń rektory Darhan Bílálovty qyzmetke kírísuímen qūttyqtady.
«Sízder jas ǵalymdardyń jańa lebí bolyp tabylasyzdar jáne dál osy qıyn-qystau kezeńde elímízdíń írí joǵary oqu oryndaryn dál sízderge basqaru seníp tapsyryldy. Táuelsízdík jyldary barlyq qazaqstandyqtarǵa qoljetímdí bolǵan sheteldík bílím alyp, óz Otanyńyzǵa oralyp, alǵan bílímderíńízben bólísudesízder. Mūnyń bárí student jastarǵa paıdaly jáne jas ūrpaq úshín jemístí ǵylymı mansaptyń jarqyn mysaly. Elorda kúnín merekeleu qarsańynda Elbasy, bízdíń partıyamyzdyń Kóshbasshysynyń kóregen sayasatyna degen qoldauyńyzdy kórsetkenderíńízge quanyshtymyn», - dep atap óttí Meıírjan Otynshıev.
QazŪAU halyqaralyq vaktsınologıya ortalyǵynyń dırektory, professor Qaısar Tabynov ta partıya qataryn tolyqtyrǵan ǵalymdardyń qatarynan. Ol - januarlarǵa, qūstarǵa jáne adamdarǵa arnalǵan vaktsınalardyń ár túrín ázírleuge, zertteuge jáne óndíríske engízuge mamandanǵan jetekshí qazaqstandyq ǵalymdardyń bíregeıí. Sońǵy 15 jyl íshínde ózímen píkírles adamdardyń toby joǵary patogendí qūs tūmauy, jylqy tūmauy, írí jáne ūsaq qara brutsellez, qūs tūmauy jáne shoshqa tūmauy, sondaı-aq adamnyń mausymdyq tūmauy sıyaqty qauíptí ınfektsıyalarǵa qarsy 7 veterınarıya vaktsınasyn jáne 3 medıtsına vaktsınasyn jasaı aldy. Būl ázírlemelerdíń shamamen 60%-y sáttí engízíldí, qalǵandary óndíríske engízu satysynda tūr.
Sondaı-aq, Almaty qalasy boıynsha partıyanyń jańadan qūrylǵan múshelerí qatarynda Qazaqstan Respublıkasynyń eńbek síńírgen mádenıet qaıratkerí, Halyqaralyq Karl Faberje qory ordeníníń jáne M.Perhın atyndaǵy ordenníń kavalerí, «Jíger» syılyǵynyń laureaty jáne Qasteev atyndaǵy «altyn medal» ıegerí Estaı Daubaev jáne mádenıet salasynyń úzdígí Ermek Sqaqov jáne basqalar da bar.
«Partıyalyq bılet tek patrıottyq paryzdy eske túsíríp qana qoımaı, basqa da jetístíkter men ıgí ísterge senímdílík beredí. Basqa, jańa formattaǵy jūmys bízdí halyqqa paıda ákelem degen maqsatqa ūmtyldyrady», - dedí Estaı Daubaev.
