Almatylyq neırohırurgter jattyǵu kezínde moınynan auyr jaraqat alǵan jasóspírímge kúrdelí ota jasap, ómíríne tóngen qaterdíń betín qaıtardy, – dep habarlaıdy aqshamnews.kz tílshísí.
Almaty Balalar shūǵyl medıtsınalyq kómek kórsetu ortalyǵynda jattyǵu barysynda moıyn omyrtqasynan auyr jaraqat alǵan 14 jastaǵy sportshyǵa ota jasaldy.
Oqıǵa shamamen ekí aı būryn kúres úıírmesíndegí jattyǵu kezínde bolǵan. Beldesu barysynda jasóspírím basymen tómen qūlaǵan. Qūlaǵan sátte moıny qatty auyryp, keıín álsízdík, bozaru jáne qolynyń ūyuy baıqalǵan. Jaǵdaıy jaqsarmaǵan soń, otbasy dáríger kómegíne júgíngen.
Tekseru kezínde dárígerler moıyn omyrtqalarynyń bíríníń synǵanyn jáne omyrtqalar túıísken tūsta yǵysudyń baryn anyqtady. Būl jūlynǵa zaqym keltíruí múmkín asa qauíptí jaǵdaı edí.
Jasóspírím shūǵyl túrde auruhanaǵa jatqyzylyp, oǵan ota jasaldy. Dárígerler zaqymdanǵan omyrtqany óz ornyna keltíríp, moıyn bólígíníń dūrys bítuí úshín arnaıy tásílmen bekíttí.
Ota sheberlík sabaǵy túrínde ótíp, oǵan tájírıbelí jūlyn neırohırurgí Tımur Aıtmūhanov pen ortalyq mamandary qatysty.
Almaty Balalar shūǵyl medıtsınalyq kómek kórsetu ortalyǵy neırohırurgıya bólímshesíníń meńgerushísí Rahym Ahannyń aıtuynsha:
«Moıyn omyrtqasynyń jaraqaty - eń qauíptí zaqymdardyń bírí. Būl jaǵdaıda der kezínde ota jasap, auyr asqynudyń aldyn aldyq. Qazír balanyń jaǵdaıy tūraqty, sauyǵyp keledí».
Emnen keıín jasóspírímníń jaǵdaıy qanaǵattanarlyq dep baǵalanyp, ol úıíne shyǵaryldy. Aldaǵy uaqytta tūrǵylyqty jeríndegí dárígerlerdíń baqylauymen ońaltu sharalarynan ótedí.