Alataý aýdanynyń ákimi Danıar Qyryqbaev aýdandaǵy medısınalyq ınfraqurylymdy keńeıtip, turǵyndardyń medısınalyq qyzmetke qoly jetetindeı etý úshin atqarylyp jatqan sharýalar týraly baıandady, dep habarlaıdy aqshamnews.kz
2025 jyldyń naýryz aıynda Qarasý shaǵynaýdanynda aýysymyna 200 adam qabyldaı alatyn alǵashqy medısınalyq-sanıtarlyq kómek kórsetý ortalyǵy ashyldy. Dál osyndaı taǵy bir ortalyq Saıaly shaǵynaýdanynda salynyp jatyr. Ony bıyldyń sońyna deıin aıaqtaý josparlanyp otyr.
Aýdanda eki úlken stasıonar salý da josparlanǵan:
• 300 tósektik kópsalaly eresekter aýrýhanasy,
• 200 tósektik perınataldyq ortalyq.
Qazirgi ýaqytta Terekti shaǵynaýdanynyń shamamen 7 000 turǵyny Naýryzbaı aýdanyndaǵy №7 qalalyq klınıkalyq aýrýhana janyndaǵy emhanada medısınalyq qyzmet alady. Qoljetimdilik máselesin sheshý úshin 1,3 ga aýmaq bólinip, osy jerde jańa qalalyq emhana salý usynyldy.
Ákimniń aıtýynsha, medısınalyq nysandar jelisin damytý turǵyndardy sapaly qyzmetpen birdeı qamtyp, qoldanystaǵy mekemelerge túsetin júktemeni azaıtýǵa múmkindik bermek.