Almatynyń Jetísu audanynda 2-shí Goncharnaya kóshesíníń bír bólígínde kólík qozǵalysyna uaqytsha shekteu engízíledí, – dep habarlaıdy aqshamnews.kz tílshísí.
Almatynyń Jetísu audanynda aldaǵy jylytu mausymyna daıyndyq ayasynda 1996 jyly paıdalanuǵa berílgen ūzyndyǵy shamamen 340 metr jylu jelísí jańǵyrtylady. Būl turaly «Almaty jylu jelílerí» JShS ókílderí habarlady.
Osyǵan baılanysty 2026 jyly 23 shíldeden bastap 2-shí Goncharnaya kóshesínde, Qalalyq ftızıopulmonologıya ortalyǵynan Raıymbek dańǵyly, 223e/4 úıíne deıíngí aralyqta avtokólík qozǵalysy uaqytsha shekteledí.
Shekteu jol astyndaǵy qūbyr uchaskesín josparly jańǵyrtu jūmystaryn qauípsíz júrgízu maqsatynda engízílíp otyr.
Qaıta jańǵyrtu jūmystary júrgízíletín kezeńde tūtynushylarǵa ystyq su beru toqtatylmaıdy.
Qala tūrǵyndary men júrgízushílerden uaqytsha qolaısyzdyqqa túsínístíkpen qaraudy sūraımyz.