Óner ordasynyń qaıta ashyluy muzeıdíń 90 jyldyǵy men 1976 jyldan berí ornalasqan ǵımarattyń 50 jyldyǵymen tūspa-tūs kelíp otyr, dep habarlaıdy aqshamnews.kz
Muzeıge Qazaqstan Respublıkasy Premer-mınıstríníń orynbasary – Mádenıet jáne aqparat mınıstrí Aıda Balaeva bardy.
Aıda Balaeva jóndeu jūmystarynyń nátıjelerímen tanysty. Muzeıdíń íshkí bólmelerí men shatyry jańartylyp, eden jabyndary auystyryldy, sondaı-aq ınjenerlík júıeler jańǵyrtylyp, klımattyq baqylau júıesí ornatyldy. Nátıjesínde eldegí basty kórkem galereya zamanauı halyqaralyq standarttarǵa saı, halyqaralyq deńgeıdegí kórme jobalaryn íske asyruǵa tolyq daıyn.
Jóndeu jūmystarymen qatar muzeı mamandary ekspozıtsıyalardy da jańartty. Kórermenge būrynnan tanys qazaqstandyq jáne álemdík óner jauharlarymen bírge jańa bólímder ūsynyldy. Atap aıtsaq, grafık-suretshí Evgenıı Sıdorkınníń shyǵarmalar kórmesí, "Qazaq óneríndegí áıel beınesí" ekspozıtsıyasy, Qazaqstannyń táuelsízdík kezeńíndegí óner bólímí, sondaı-aq HH ǵasyrdyń sońy – HHÍ ǵasyrdyń basyndaǵy sheteldík ónerdíń jańa tuyndylaryna arnalǵan bólím bar.
