Almatynyń Áuezov audanyndaǵy "Mamyr-4" shaǵynaudanynda su qūbyry men káríz jelíleríníń qūrylysy ayaqtaldy. Jobany júzege asyrǵan merdíger ūıym Abaı dańǵyly, B. Momyshūly, Saın jáne Mūstaı Kárím kóshelerí arasyndaǵy aumaqta ınjenerlík kommunıkatsıya júrgízu jūmystaryn támamdap, jol tósemín tolyq qalpyna keltírdí.
Qūrylys jūmystary ayasynda 6,5 shaqyrym su qūbyry jáne 5,8 shaqyrym káríz jelísí salynyp, barlyq jūmys qazírgí zaman talaptaryna saı oryndaldy. Injenerlík jelílerdíń jobalanyp, montajdaluynan keıín shaǵynaudandaǵy jol tósemí tolyqtaı jańartyldy.
2025 jyly Áuezov audanynda kommunaldyq ınfraqūrylymdy jańǵyrtu jūmystary jalǵasyp keledí. Audanda su jáne káríz júıelerín jaqsartuǵa baǵyttalǵan tórt írí joba júzege asyrylyp jatyr.
Sonyń íshínde eń auqymdy jobalardyń bírí Saın – Yassauı – Shalyapın – Jandosov kóshelerí aumaǵyndaǵy ınfraqūrylymdy jańartu. Būl aumaqta jūmys ekí kezeń boıynsha júrgízílíp, jalpy ūzyndyǵy 49 shaqyrym ınjenerlík jelí tartylyp jatyr.
Būǵan qosa, "Dostyq" shaǵynaudanynda merdíger ūıym qūrylys jūmystarynyń negízgí bólígín ayaqtady. Qalǵan jūmys 2026 jyly bítedí dep josparlanyp otyr.