Medısınalyq uıymdardyń materıaldyq-tehnıkalyq jabdyqtalýyn jaqsartýǵa jergilikti búdjetten 43,1 mlrd teńge bólindi.
Almaty ákimi Baqytjan Saǵyntaev Ortalyq komýnıkasıalar qyzmetindegi baspasóz konferensıasynda jýrnalıserdiń suraqtaryna jaýap bere kelip, qalanyń densaýlyq saqtaý júıesin jańartý týraly aıtty, dep habarlaıdy Almaty-akshamy.kz.
«2021 jylǵa jabdyq satyp alýǵa jergilikti búdjetten 20 mıllıard teńge bólindi. Infeksıalyq stasıonarlardyń jansaqtaý bólimderi 100% jabdyqtaldy», - dedi Baqytjan Saǵyntaev.
2020 jyly respýblıkalyq jáne jergilikti búdjet esebinen Almaty qalasynda medısınalyq uıymdardyń jansaqtaý bólimin qaıta jabdyqtaý júzege asyryldy.
Máselen, 2020 jyly respýblıkalyq búdjet esebinen 562,1 mln teńgege 94 dana medısınalyq qural-jabdyqtar (buıymdar) – ÓJJ apparaty men ottegi ıngalátorlary, qashyqtyq teplovızolary jáne basqalary satyp alyndy.
ÓJJ 285apparaty, High Flow ottegi joǵary aǵymdy terapıasy 250 apparaty, 1050 birliktegi ottegi konsentratory, 47 rentgen apparaty, 52 últradybystyq apparat satyp alyndy.
Jedel járdem qyzmetiniń parki jańartyldy – reanımasıalyq jabdyqtary bar 135 arnaıy kólik satyp alyndy.
4,8 mlrd teńgege 6 ottegi stansıasy, 6,3 mlrd teńgege 10 qalalyq aýrýhanada gaz quıý kompresorlyq stansıalary ornatyldy.
2021 jyldyń 9-13 sáýiri aralyǵynda Dúnıejúzilik bankten 45 ÓJJ apparaty alyndy.