Qosalqy sharuashylyqtar, otbasylyq omartalar, úı naubaıhanalary. Almatydaǵy «demalys kúní» jármeńkelerínde kímder ūsynys jasaıdy
Almaty men Almaty oblysynyń mańyndaǵy 320 auyl sharuashylyǵy óndírushílerí megapolıstegí «demalys kúní» jármeńkeleríne qatysuda.
Kartop, qyryqqabat, pıyaz, sábíz, alma jáne almūrt sıyaqty kókóníster men jemísterdí 80 qatysushy ūsynady.
Et ónímderín - qoı, sıyr jáne jylqy etín -Almaty oblysynyń Qarasaı, Íle, Talǵar jáne Jambyl audandarynan 65 sharua qojalyǵy jetkízíp otyr.
64 óndírushí jergílíktí qūs fabrıkalary men jeke sharuashylyqtardan tauyq etí men jūmyrtqa ūsynuda.
52 jetkízushí sút, qaımaq jáne írímshíkterdí qosa sút ónímderín satuda.
16 otbasylyq omarta ara sharuashylyǵynyń tabıǵı ónímderín ūsynady-bal, balauyz, propolıs jáne basqalary.
Sonymen qatar, 16 shaǵyn kásíporyn shūjyq ónímderíníń assortımentín ūsynady, 10 qatysushy keptírílgen jemísterdí satady, 17 fermer men úı naubaıhanalary kondıterlík ónímder men táttílerdí satady.
Jármeńkelerde barlyǵy 1000-nan astam óním atauy ūsynylǵan. Demalys kúnderí jármeńkeler - būl óndírushíler men satyp alushylar arasyndaǵy ashyq sauda alańy. Ūıymdastyrushy – «Almaty» ÁKK» AQ.
Baǵany tūraqtandyru baǵdarlamasy ayasynda áleumettík mańyzy bar tauarlar jármeńkelerde naryqtyq qūnnan tómen satyluda. Jármeńkeler qalanyń bes audanynda saǵat 09:00-den 18:00-ge deıín ótedí:
- Almaly audany - Masanchı k-sí (Áıteke bı k-sí men Gogol k-sí arasy)
- Áuezov audany - Ótegen batyr k-sí (Abaı dańǵ. tómen)
- Bostandyq audany - Qazaqfılm y/a (ál-Farabı dańǵ.joǵary)
- Medeu audany -Meńdíqūlov bulvary - Bektūrov k-sí
- Alatau audany: «Mádenıet» TÚ keshení.
Jármeńkelerge apta saıyn Almatynyń 45 000-nan astam tūrǵyny men qonaqtary keledí.
