Búgínde jastarǵa qūqyqtyq tárbıe berudíń olardyń bolashaqta qūqyq būzushylyqtar men qylmysqa ūrynbaı, ómírden óz oryndaryn tabularyna yqpal etetíní sózsíz.
Osyǵan oraı Almaty qalasy boıynsha qylmystyq-atqaru júıesí departamentí №11 mekemesíníń mamandary Almaty sán jáne qyzmet kórsetu salasy kolledjíníń studentterí arasynda "Jasóspírímderdíń qylmystyq jauapkershílígí" atty taqyrypta dárís ótkízdí, dep habarlaıdy aqshamnews.kz.
Sabaqtyń maqsaty – jetkínshekterdíń qūqyqtyq sauatyn arttyru, Memleket basshysynyń elímízde "Zań jáne tártíp" qaǵıdatyn bírjola ornyqtyru turaly tapsyrmasyn oryndauǵa ún qosu. Sabaq kezínde kolledj studantterí aldynda Almaty sán jáne qyzmet kórsetu salasy kolledjí dırektorynyń orynbasary Kúnímaı Omarova, №11 mekemeníń rejım jáne kúzet bólímíníń bastyǵy Azamat Kanafın, mekeme bastyǵynyń kezekshí kómekshísí Anar Mustafaev jáne rejım jáne kúzet bólímíníń baqylaushysy Azamat Moldabek sóz sóılep, balalarǵa qūqyqtyq jauapkershílíktíń mańyzy turaly áńgímeledí.
Sóz sóılegender Memleket basshysy Qasym-Jomart Toqaevtyń "Ádílettí Qazaqstan: zań men tártíp, ekonomıkalyq ósím, qoǵamdyq optımızm" atty Qazaqstan halqyna Joldauynda da zań men tártíptí saqtaudyń elímízdíń ekonomıkasyn arttyruǵa tıgízetín oń yqpaly jaıly aıtqandaryn balalarǵa jan-jaqty túsíndírdí. Sonymen qatar olar studentterdíń sūraqtarǵa jauap berdí