Almatyda «Genderlík zorlyq-zombylyqqa qarsy 16 kún belsendí ís-qımyl» atty jyl saıynǵy respublıkalyq nauqany ayasyndaǵy alǵashqy aktsıya óttí.
Būl basqosu studentterdí, túrlí sala mamandaryn jáne qūqyq qorǵau organdarynyń ókílderíníń basyn qosyp, zorlyq-zombylyqtan qorǵanu, ózíńdí jáne jaqyndaryńdy qauípten saqtau taqyrybyn talqylauǵa múmkíndík berdí, - dep habarlaıdy Aqshamnews.kz.
Aktsıyany Almaty qalasy Jūmyspen qamtu jáne áleumettík baǵdarlamalar basqarmasyna qarasty «Otbasyn qoldau ortalyǵy» KMM, Almaty ákímí janyndaǵy Áıelder ísterí jáne otbasylyq-demografıyalyq sayasat jóníndegí komıssıya, sondaı-aq qalalyq polıtsıya departamentí ūıymdastyrdy.
Ís-shara Narhoz unıversıtetínde ótíp, 100-ge juyq adam qatysty. Ashyq dıalog barysynda studentter sūraq qoıyp, píkír almasty. Al mamandar daǵdarys jaǵdaıynda dūrys sheshím qabyldau joldaryn, sondaı-aq qandaı jaǵdaıda qaı jerden kómek sūrauǵa bolatynyn túsíndírdí.
Aktsıya ayasynda Polıtsıya departamentíníń qyzmetkerlerímen ótken talqylaularda jastarǵa zorlyq-zombylyq qaterí tóngen kezde qoldanylatyn naqty qorǵanu tásílderí men áreket etu tártíbí egjeı-tegjeılí túsíndíríldí. Sonymen qatar psıhologtar, áleumettík qyzmetkerler men zańgerler keńes beríp, jastarǵa sauatty qarym-qatynas ornatu, alǵashqy qauíp belgílerín baıqau jáne qauíptí jaǵdaıdy jasyrmaı bayandau jónínde ūsynystar aıtty. Qatysushylarǵa táulík boıy qoldau kórsetetín qyzmetter turaly da aqparat aıtyldy.
Jastar kezdesuge belsendí qatysyp, mūndaı ís-sharalardyń jeke qauípsízdíkke qatysty máselení jaqsyraq túsínuge septígín tıgízetínín atady. Ūıymdastyrushylardyń aıtuynsha, joǵary oqu oryndaryndaǵy osyndaı aktsıyalar jastardyń qūqyqtyq sauatyn arttyryp, ózara qūrmetke negízdelgen qauípsíz qarym-qatynas mádenıetín qalyptastyruǵa yqpal etedí.
Aıta keteıík, «Genderlík zorlyq-zombylyqqa qarsy 16 kún belsendí ís-qımyl» respublıkalyq nauqany 10 jeltoqsanǵa deıín jalǵasady. Almatyda kezdesu, trenıng, dıalog, aktsıya men kórme syndy 20-dan astam ís-shara ótkízu josparlanyp otyr. Būl ís-sharalarda áıelder men balalardy qorǵau máselesíne, sondaı-aq jastar arasynda zorlyqsyz mínez-qūlyq mádenıetín damytuǵa erekshe kóńíl bólínbek.