Almatyda medıtsınalyq ınfraqūrylymdy jáne patsıentterge kómek kórsetu jaǵdaılaryn jaqsartu boıynsha júıelí jūmys jalǵasyp jatyr. Almaty qalasy Qoǵamdyq densaulyq saqtau basqarmasynyń basshysy Marat Pashımov medıtsınalyq qyzmetterdíń sapasyna da, densaulyq saqtau obektíleríníń jaı-kúıíne de nazar audara otyryp, medıtsınalyq ūıymdardy aralap shyqty, – dep habarlaıdy aqshamnews.kz tílshísí.
Sapardyń negízgí punktteríníń bírí Nauryzbaı audanyndaǵy №27 Qalalyq emhananyń fılıaly boldy, onda qazírgí uaqytta kúrdelí jóndeu jūmystary júrgízílude. Nysan audan tūrǵyndary úshín mańyzdy, sondyqtan jūmys barysy erekshe baqylauda.
Tekseru barysynda Marat Pashımov ǵımarattyń aǵymdaǵy jaı-kúıímen egjeı-tegjeılí tanysty: emdeu kabınetterín, kútu aımaqtaryn, ınjenerlík kommunıkatsıyalardy jáne qosalqy úı-jaılardy tekserdí. Qūrylys jáne árleu jūmystarynyń sapasyna, sondaı-aq barlyq tehnıkalyq normalar men jobalyq qūjattamalardyń qatań saqtaluyna erekshe nazar audaryldy.
Ūıymdastyrushylyq máseleler — jóndeudí oryndau merzímderí, qūrylys materıaldarymen qamtamasyz etu jáne merdígerlerdíń emhana ákímshílígímen ózara ís-qımyly jeke qaraldy. Marat Pashımov atap óttí: kúrdelí jóndeudí ayaqtau uaqtyly jáne sapa jaǵynan bezasyz boluy kerek.
Inspektsıya qorytyndysy boıynsha naqty tapsyrmalar beríldí — jūmys barysyn baqylaudy kúsheıtu, tuyndaıtyn máselelerdí tūraqty monıtorıngteudí jáne jedel sheshudí qamtamasyz etu. Basty míndet-jobany merzímínde ayaqtau jáne patsıentter úshín de, medıtsınalyq qyzmetkerler úshín de zamanauı, jaıly jaǵdaı jasau.
Sondaı — aq, jūmys sapary ayasynda qalanyń írí statsıonarlarynyń - №1 QKA, №7 QKA, Ortalyq qalalyq klınıkalyq auruhana jáne Qalalyq jedel járdem auruhanasynyń qabyldau bólímsheleríne bardy. Mūnda shūǵyl medıtsınalyq kómek kórsetu jáne qabyldau bólímsheleríníń jūmysyn ūıymdastyru sharttaryna nazar audaryldy.
Almatyda ınfraqūrylymdy jańǵyrtumen qatar tazalyq pen abattandyru mádenıetí belsendí damyp keledí. Būl kúnderí Elbasy bastamashy bolǵan "Taza Qazaqstan" jalpyūlttyq jobasy ayasynda elímízde tazalyq estafetasy ótude.
4 sáuírde qalanyń barlyq medıtsınalyq ūıymdarynda auqymdy senbílíkter óttí. Medıtsına qyzmetkerlerí — dárígerler, medbıkeler jáne ákímshílík qyzmetkerler — aktsıyany qoldap, aumaqtardy tazalauǵa shyqty.
Mūndaı ís-sharalar tūraqty boldy: apta saıyn emhanalar men statsıonarlar ūjymdarynyń qatysuymen "Taza beısenbí" jáne senbílíkter ótkízíledí.
Marat Pashımov medıtsınalyq ūıymdardyń aumaqtarynda tártíptí saqtaudyń mańyzdylyǵyn eske salyp, tazalyq tek estetıka máselesí ǵana emes, sonymen qatar qauípsíz jáne sapaly medıtsınalyq kómektíń mańyzdy qūramdas bólígí ekenín atap óttí.
Kúrdelí jóndeuden bastap kúndelíktí tazalyqqa deıíngí keshendí jūmys Almatynyń densaulyq saqtaudyń jańa ortasyn qalyptastyrady, onda patsıentterdíń jaılylyǵy, qauípsízdígí men densaulyǵy basty nazarda qalady.