Almatyda būqaralyq sportty damytuǵa jáne jastardy salauatty ómír saltyna tartuǵa baǵyttalǵan auqymdy joǵary oqu oryndary arasyndaǵy ALMA CUP 2026 sporttyq turnırí ótedí. Eldegí eń írí jastar audıtorıyalarynyń bírín qamtıtyn joba qalalyq Jastar sayasaty basqarmasynyń qoldauymen júzege asyrylady, – dep habarlaıdy aqshamnews.kz tílshísí.
Ūıymdastyrushylardyń aıtuynsha, ALMA CUP 2026 16-dan 35 jasqa deıíngí studentter men qala jastaryn bíríktíríp, joǵary oqu oryndary arasyndaǵy ózara ís-qımyldyń eń auqymdy sporttyq alańdarynyń bíríne aınalady. Turnırge 100-den astam komanda men 1000-nan astam qatysushy qatyspaq. Baǵdarlamaǵa futzal, basketbol, voleıbol, jeńíl atletıka jáne ūlttyq sport túrí — qazaqsha kúres syndy sporttyń bes túrí engen. Ūlttyq kúrestíń engízíluí dástúrlí qūndylyqtardy dárípteuge jáne jastardyń mádenı bíregeılígín nyǵaıtuǵa baǵyttalǵan.
Jarystar 6-25 sáuír aralyǵynda Almatynyń jetekshí joǵary oqu oryndary men sport nysandarynda ótedí. Turnır formaty — olımpıadalyq júıe (jeńílgen komanda jarystan shyǵady), būl joǵary básekelestík deńgeıí men nátıjelerdíń ashyqtyǵyn qamtamasyz etedí. Sonymen qatar, turnırge kásíbı joǵary dárejelí sporttyq razryady joq qatysushylar da qatysa alady, yaǵnı joba būqaralyq qatysuǵa baǵyttalǵan.
Joba būqaralyq sportty damytuǵa, tūraqty jastar qauymdastyqtaryn qalyptastyruǵa jáne studentter men qala jastarynyń áleumettík belsendílígín arttyruǵa baǵyttalǵan.
Ūıymdastyrushylardyń aıtuynsha, ALMA CUP jyl saıyn ótkízíletín qalalyq joba retínde qarastyrylyp, ony árí qaraı keńeıtu men damytuǵa úlken múmkíndík bar. Būl bastama Almaty jastary úshín negízgí sporttyq platformaǵa aınaluy múmkín.