Aldaǵy bírneshe kúnde Qazaqstanda aua raıy qūbylmaly bolady, dep habarlaıdy Aqshamnews.kz tílshísí.
Sınoptıkterdíń málímetínshe, aldaǵy úsh táulíkte Qazaqstan aumaǵynyń basym bólígí tsıklondyq qyzmettíń yqpalynda bolady, soǵan baılanysty jauyn-shashyndy aua raıy kútíledí. Keıbír kúnderí qatty jauyn-shashyn (jańbyr, qar), kóktaıǵaq, tūman, būrqasynmen bírge ekpíndí jel boljanady.
Sonymen qatar ońtústík-batys baǵyttaǵy jyly aua massalarynyń keluí saldarynan kúndíz aua temperaturasy soltústíkte 0-7°S ayazǵa deıín, batysta, soltústík-batysta jáne ortalyqta 5°S ayazdan 2°S jyluǵa deıín, ońtústíkte 8-17°S jyluǵa deıín, ońtústík-shyǵysta 5-15°S jyluǵa deıín kóteríledí.
"4 aqpannan bastap eldíń batys óńírlerínde aua raıyn skandınavıyalyq antıtsıklon qalyptastyrady, onyń áserínen túnde aua temperaturasy 20-28°S ayazǵa deıín tómendeıdí", – delíngen sınoptıkter boljamynda.