Almatyda 2026 jyly 7 sáuírden bastap jasyl jelekterdí bıologıyalyq dáríleu mausymy bastaldy, – dep habarlaıdy aqshamnews.kz tílshísí.
Jūmystar aǵashtardyń jaǵdaıyn jaqsartuǵa, olardyń zıyankesterge tózímdílígín arttyruǵa jáne qaladaǵy ekologıyalyq tepe-teńdíktí saqtauǵa baǵyttalǵan. Būl turaly qalalyq Ekologıya jáne qorshaǵan orta basqarmasynyń mamandary aıtty.
Dáríleu jūmystary jalpy paıdalanymdaǵy aumaqtardaǵy shamamen 2,3 mln jasyl jelektí qamtıdy. Ís-sharalar tıístí lıtsenzıyasy bar mamandandyrylǵan merdíger ūıymdardyń qatysuymen kezeń-kezeńímen júrgízíledí.
Bıyl dáríleu jūmystary tórt kezeń boıynsha ūıymdastyrylady:
• 7 sáuír – 30 mamyr aralyǵy – bírínshí kezeń;
• 1 mausym – 30 mausym – ekínshí kezeń;
• 5 shílde – 5 tamyz – úshínshí kezeń;
• 15 tamyz – 20 qyrkúıek – tórtínshí kezeń.
Basqarma ókílderíníń málímetínshe, jūmystar negízínen túngí uaqytta júrgízíledí. Būl kún sáulesíníń tíkeleı áserí bolmaǵandyqtan, preparattardyń tıímdílígín arttyruǵa múmkíndík beredí.
Dáríleu barysynda qoldanylatyn bıologıyalyq jáne qajet bolǵan jaǵdaıda hımıyalyq preparattar sertıfıkattalǵan, qauíptílígí tómen jáne adamdarǵa, qūstar men januarlarǵa qauípsíz.
Mamandardyń aıtuynsha, sońǵy jyldary júrgízílíp kele jatqan júıelí dáríleu jūmystary joǵary tıímdílík kórsetíp otyr. Būl zıyankester sanyn azaıtyp, qalalyq jasyl jelekterdíń tūraqty kúıín saqtauǵa yqpal etedí.
Atalǵan jūmystar qalany kógaldandyru jáne ekologıyalyq ortany saqtau boıynsha keshendí sharalar ayasynda júzege asyryluda.