Ís-shara Freedom Holding Corp. bas seríktestígímen ūıymdastyrylyp otyr, – dep habarlaıdy aqshamnews.kz tílshísí.
Almatyda 2026 jyly 7-10 sáuír aralyǵynda FIDE men Halyqaralyq mektep shahmaty federatsıyasynyń (ISCF) qoldauymen ótetín World Schools Team Championship turnıríníń Azıya qūrlyǵyndaǵy kezeńí bastaldy.
Jarysqa Azıya jáne TMD elderínen 19 memleketten kelgen 26 mektep komandasy qatysyp otyr. 8 ben 14 jas aralyǵyndaǵy jas shahmatshylar baq synaıdy. Turnır jeńímpazdary 2026 jyly jeltoqsanda ótetín grand-fınalǵa joldama alady.
Saltanatty ashylu rásímíne Almaty qalasy ákímíníń orynbasary Nūrlan Ábdírahym qatysyp, turnırdíń qalada ótuí Qazaqstannyń mektep shahmatyn damytudaǵy jetístígíníń aıǵaǵy ekenín atap óttí. Sondaı-aq shahmatty bílím beru júıesíne engízudíń zıyatkerlík ūlt qalyptastyrudaǵy mańyzyna toqtaldy.
Qazaqstan shahmat federatsıyasynyń prezıdentí Tımur Turlov sońǵy jyldary elde mektep shahmatyn júıelí túrde damytuǵa mán berílíp otyrǵanyn aıtty. Búgínde būl sport túrímen 60 myńnan astam bala tūraqty túrde aınalysyp, qyzyǵushylyq artyp keledí.
Ashylu rásímínen keıín alǵashqy ekí tur bastaldy. Jalpy turnır 45+10 uaqyt baqylauymen shveıtsar júıesí boıynsha segíz turdan tūrady.
Sonymen qatar qatysushylar úshín sheberdíń sabaqtary, jattyqtyrushylar men grossmeısterlermen kezdesu, sondaı-aq Qazaqstannyń ūlttyq mádenıetímen tanysu baǵdarlamasy ūıymdastyrylǵan.
Aıta keteıík, jarys Almaty qalasy ákímdígí men qalalyq Sport basqarmasynyń qoldauymen ūıymdastyrylyp otyr. Būl qalanyń halyqaralyq zıyatkerlík sport ortalyǵy retíndegí mártebesín nyǵaıtuǵa baǵyttalǵan.