Almatyda AI Engineering bílím beru baǵdarlamasynyń jańa legí íske qosylady, – dep habarlaıdy aqshamnews.kz tílshísí.
Baǵdarlama ayasynda 14 jastan bastap mektep oqushylary men studentter jasandy ıntellekt negízderín meńgeríp, AI tehnologıyalary negízínde óz ınjenerlík jobalaryn ázírleıdí. Baǵdarlamaǵa aldyn ala íríkteuden ótken shamamen 100 jas qatysady.
Bastama “Makerspace Expands!” jelísí ayasynda AQSh-tyń Qazaqstandaǵy dıplomatıyalyq mıssıyasy men Chevron kompanıyasynyń qoldauymen júzege asyryluda. Baǵdarlama jastardyń tsıfrlyq daǵdylaryn damytuǵa jáne tehnologıyalyq ortada qazaq tílíníń qoldanylu ayasyn keńeıtuge baǵyttalǵan.
AI Engineering baǵdarlamasy ekínshí jyl qatarynan ótkízílude. 2025 jyly oǵan Qazaqstannyń ártúrlí qalalarynan 100-ge juyq oqushy men student qatysyp, jasandy ıntellekt negízderín meńgeríp, qazaq tílínde AI-assıstentter ázírledí, sondaı-aq zamanauı dauys jáne mátíndík júıelerdíń jūmys ísteu qaǵıdalarymen tanysty.
2026 jyly baǵdarlama jańartylǵan praktıkalyq formatqa kóshíp, ınjenerlík baǵytty kúsheıttí. Qatysushylar Raspberry Pi bírplataly kompyuterímen jūmys ístep, kompyuterlík kóru jáne mashınalyq oqytu negízderín úıreníp, jasandy ıntellektke negízdelgen ınteraktıvtí qūrylǵylardy ózderí jasaıdy.
«Bízdíń maqsatymyz — oqushylarǵa jasandy ıntellekttíń abstraktílí tehnologıya emes, óz qolyńmen jasauǵa bolatyn qūral ekenín kórsetu. Raspberry Pi-men jūmys ísteu barysynda qatysushylar derekterdí jınaudan bastap modeldí oqytuǵa deıín jáne tolyqqandy jūmys ísteıtín qūrylǵy jasauǵa deıíngí barlyq kezeńnen ótedí», — deıdí Ádílet Bolathan, AI Engineering kursynyń avtorlarynyń bírí.
AI Engineering baǵdarlamasy — Makerspace jelísíníń Qazaqstan jastary arasynda ınjenerlík oılaudy, tsıfrlyq daǵdylardy jáne tehnologıyaǵa qyzyǵushylyqty damytuǵa baǵyttalǵan bílím beru bastamalarynyń bír bólígí.
Ótkízu kúnderí: 2026 jylǵy 27–30 sáuír, 2, 4–6 mamyr (qalalarǵa baılanysty ózgeruí múmkín)
Ótetín orny: Nazarbaev kóshesí 43, Jambyl atyndaǵy qalalyq jasóspírímder kítaphanasy
Qatysushylar jasy: 13 jastan bastap
Qatysu tegín, oryn sany shekteulí
Tírkelu: https://forms.gle/ZgshcozDn7QZWdrC9