Almatynyń Jetísu audanynda tūrǵyndardyń shaǵymynan keıín zańsyz sauda núkteleríne qatysty reıd júrgízíldí, dep habarlaıdy Aqshamnews.kz qala ákímdígíne sílteme jasap.
Tekseru Soltústík aınalma kóshesíníń boıynda, «Baısat» jáne «Yalyan» sauda ortalyqtarynyń mańynda óttí. Tūrǵyndardyń aıtuynsha, jol jıegíndegí beıbereket sauda kólík qozǵalysyna kedergí keltírgen.
Reıd barysynda aumaqty abattandyru talaptaryn būzǵany úshín 24 hattama, al belgílenbegen jerde sauda jasaǵany úshín taǵy 15 hattama toltyryldy.
Būǵan deıín ákímdík jyl basynan berí Almatyda 1211 adam qatysqan 45 zańsyz sauda oshaǵy anyqtalǵanyn habarlaǵan. Qazírgí tańda onyń 27-sí joıylǵan.
Qala bılígí baraholka aumaǵyndaǵy zańsyz sauda nysandaryn retke keltíru máselesín būǵan deıín de kótergen. Mamandardyń málímetínshe, mūndaı nysandarda qauípsízdík talaptarynyń saqtalmauy órt qaupín arttyrady.